УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Ж.Ганбаатар:

“Шинээр сонгогдож байгаа сайд нарт баяр хүргэе. МАН-ын мөрийн хөтөлбөрийн биелэлтийг энэ сайд нараас шахаж, шаардаж ажиллана. Сайд нар үүнийг биелүүлэхийн төлөө л ажиллах ёстой. Учир нь Монголын ард түмэн 2020 оны сонгуульд МАН, түүний мөрийн хөтөлбөрийг сонгосон. УИХ хууль баталж өгнө. ЗГ хэрэгжүүлнэ. Түүнэс бус хууль батлаагүй байна гэж гоншигнодог гэдэг цаг хойно хоцорсон. Сонгуулийг харж байхад УИХ-аас илүү Загсийн газрын ажилд ард иргэд гол дүнгээ тавьдаг. Тиймээс ЗГ УИХ-ын гишүүдтэй хамтран ажиллана гэж бодож байна.

Та бүхний ур чадвар, Ерөнхий сайдын сонголтод итгэж байна. Сайн баг бүрдүүлсэн. Дэмжиж ажиллана.

БХБ-ын сайдаас асууя. БГД нь бусад дүүргээс барилгажилттай ч их хүйтэн байдаг. Үүнийг дулаалах тал дээр өмнө нь судалж хийж байсан зүйл бий юу? Ямар төлөвлөгөөтэй ажиллах вэ?”

Түүний асуултад БХБ-ын сайдаар томилогдож буй Б.Мөнхбаатар хариуллаа.