2020.07.08

Д.Ганбат: Засгийн газраа тогтвортой байлгаж ажиллаарай

УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Д.Ганбат:

“Энэ засгийн газар ямар эдийн засагтай хүлээн авч байна вэ? засгийн газар хэр тогтвортой байх вэ? Өмнө нь 31, 32-оороо хуваагдаад нэгийгээ унагааж байсан. Ийм зүйл битгий хийгээрэй. Шинэ сайд нарыг мэдэхгүй юм. Сайд болох юм бол Засгийн газрын багаж хэрэгсэл болж, гар нийлж ажиллаарай.

ЗГХЭГ-ын даргаас асууя. Та өмнө нь сайд байсан. Хэд хэдэн удаа худлаа ярьлаа. Ноолуурын үнийн асуудал хэлсэн хэмжээнд хүрсэнгүй. Зөрүүг нь яах юм бэ?

Эрдэнэс Тавантолгойн хувьцааны ногдол ашиг хаана байна вэ? хэзээ өгөх вэ?

ХЗДХ-ийн сайдаас асууя. Та шударга 5-ын нэг билүү? Шүүх хараат бус байж чадаж байна уу?

Сангийн сайдаас асууя. Юань 404 төгрөг боллоо. Төгрөг ялж байна уу? Юань ялж байна уу?”