Н.Учрал 2020.07.08 | Vip76.mn

Н.Учрал: Мөрийн хөтөлбөрийн зорилт бүрийг өглөө бүр үнэлгээ хийж, хэрэгжүүлж ажиллаарай

УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Н.Учрал:

“Үндсэн хуульд заасан эрхийнхээ дагуу танхимаа бүрдүүлж байгаа ерөнхий сайдаа дэмжиж байна. Харьцангуй салбарын мэргэжлийн хүмүүс байна.

Гэхдээ би нэг зүйлийг хэлье. Иргэд МАН-ыг дэмжихдээ мөрийн хөтөлбөрийг дэмжсэн. Тиймээс сайд нар мөрийн хөтөлбөрийг тангад ном шиг цээжлээрэй. Тэр дундаа хуримтлалын нэгдсэн хөтөлбөрийг уухайлан дэмжсэн. Энэ сайд бүртээ холбоотой. Тэтгэвэр, орон сууцны урьдчилгаа бүгд үүнтэй холбоотой учраас хуримтлалын нэгдсэн сантай болоогүй байгаа гэдгийг өглөө бүр сэрэхдээ санаж байгаарай гэж хэлмээр байна.

ХНХ-ийн сайдад хэлье. Хувийн тэтгэврийн хуулийн төсөл өргөн барьсан. 10 сард НД-ын багц хуулийн төслийг өргөн барих гэж байгаа тухай ХНХЯ хэлсэн. Хуримтлалын тогтолцооруу шилжинэ гэж итгэлтэй байгаа юу? 2 тэтгэврийн сангаас авдаг тогтолцоог иргэдэд бүрдүүлэх гэж байна. ХБНГУ-д боловсрол эзэмшсэн хүний хувьд та германы системээр хийсэн нийгмийн даатгалын энэ тогтолцоог германчууд олон удаа шинэчилсэн байхад манайд байгаад л байна. Энэ чиглэлд тус улсын сайн жишгийг хэрэгжүүлээрэй.

БСШУС-ын сайдад хэлье. Энэ салбар айлын шоовдор хүүхэд шиг явсан. Бодит жишээ нь та өөрөө. 30 жил энэ салбартаа ажилласан. Төрд ажилласан туршлагатай, салбараа хайрладаг хүн гэж итгэж байна. Гэхдээ хайрцаглагдах вий. Залуус дэлхий өөрчлөгдсөн. Тэднийг дагаж шинэ цагийн сайд болж ажиллаарай.

Олон Улсын хөтөлбөрийг хэрэгжүүлнэ гээд байгаа. Энэ хөтөлбөрийг багш нарыг бэлтгэхэд та дэмжлэг үзүүлээрэй. Та бүхэнд амжилт хүсье.”