Хятадын Хэнэнь мужийн Кайфэн хотод 1000 гаруй таксины жолооч бослого гаргаж, цагдаа нартай мөргөлдсөний улмаас 30 орчим хүнийг баривчилж, хэдэн иргэн шархаджээ.

Таксины жолооч нар “Засгийн газар шинэ дүрэм гаргаж, бидний хэдэн зуун мянган юань төлж авсан таксийг хурааж, такси паркийн эзэмшилд өгсөн. Оронд нь арав дахин бага мөнгө буюу хэдэн арван мянган юанийн нөхөн олговор санал болгож байна” хэмээн мэдэгджээ.

Жолооч нар нэгдэн, хоёр удаа эрх баригчдад хандсан ч хариу өгөөгүй байна. Иймээс тэд авто замыг хааж, олны анхаарлыг татахыг оролджээ.

Гэтэл тусгай отрядын 300 орчим цагдаа ирж, жагсагчдыг бороохойдон хөөж эхэлжээ. Нэрээ нууцалсан нэгэн жолооч “18-ны шөнийн гур­ван цагийн орчим эрх бариг­чид таксины жолооч нараас дөрвийг нэмж, баривчилсан. Тэднийг одоо хаана байгааг мэдэхгүй” хэмээн ярив.

Бослого одоо ч үргэл­жилсээр байна. Эсэр­гүүцэгчид “Бид юу ч болсон өөрсдийн эрхээ тууштай хамгаална” гэж хэвлэл мэдээллийнхэнд мэдэгджээ.