Оюуны өмчийн газрын дарга Б.Энхсүх өнөөдөр Монгол Улсын Ерөнхийлөгчийн зарлигаар “Хөдөлмөрийн гавьяаны улаан тугийн одон”, “Хөдөлмөрийн хүндэт медаль” хүртсэн 3 алба хаагчийг хүлээн авч, хүндэтгэл үзүүллээ.

Оюуны өмчийн тогтолцоог Монгол Улсад хөгжүүлэхэд идэвх зүтгэл гаргаж үр бүтээлтэй ажиллан “Хөдөлмөрийн гавьяаны улаан тугийн одон” хүртсэн Аж үйлдвэрийн өмчийн хэлтсийн дарга С.Урангэрэл, “Хөдөлмөрийн хүндэт медаль” хүртсэн Захиргаа удирдлагын хэлтсийн нягтлан бодогч Э.Оюунцэцэг, Аж үйлдвэрийн өмчийн хэлтсийн шинэ бүтээл, ашигтай загварын шинжээч Б.Одгэрэл нарт баяр хүргэж, ажлын амжилт хүсэн ерөөе.