Баянзүрх дүүргийн Иргэдийн төлөөлөгчдийн хурлын ээлжит VII хуралдаан боллоо.

Энэ удаагийн хуралдаан цахим, танхим хосолсон хэлбэрээр болж өндөрлөлөө. Хурлаар дүүргийн 2022 оны төсөвт нэмэлт, өөрчлөлт оруулсанаас гадна 9 асуудлыг хэлэлцэж шийдвэрлэлээ.

Тус хурлын үр дүнд Баянзүрх дүүрэг 2022 оны төсвөөс 9 тэрбум төгрөг хэмнэхээр болж, төрийн хэмнэлтийг тодорхой түвшинд дэмжлээ.

9 тэрбумыг хэмнэх нь Баянзүрх дүүргийг хөгжүүлэхэд урт хугацаанд төлөвлөсөн зарим ажлуудыг зогсож, хойшлуулж байгаа ч иргэдийн хүсэн хүлээж буй ногоон байгууламж, тохижилт, авто зам холбогдох ажилд зориулж цаг алдалгүй хийж дуусгахаар зорьж байгаа юм.

Мөн энэ удаагийн хуралдаанд дүүргийн 24-р хорооны 7-9 дүгээр ангийн сурагчдын дунд санаачлан хэрэгжүүлж буй "LOVE IN ACTION" англи хэлний сургалтад хамрагдаж буй хүүхдүүд хүрэлцэн ирж, нутгийн өөрөө удирдах байгууллага хэрхэн үйл ажиллагаа явуулдаг талаар танилцлаа.