Хүн ам орон сууцны 2010 оны ээлжит тооллого ирэх оны нэгдүгээр сард улс орон даяар эхэлнэ. Үүнтэй холбогдуулан Үндэсний статистикийн газраас өмнөх бэлтгэл ажлын хүрээнд УБЕГ-ын Иргэний бүртгэлийн газартай хамтран ажлын хэсэг байгуулан, нэгдсэн төлөвлөгөө гарган ажиллаж байна. Энэхүү төлөвлөгөөнд Иргэний бүртгэлийн газраас “Улсын хэмжээний иргэний бүртгэл, мэдээллийн сан, анхан шатны бүртгэлийг хамгийн сүүлийн байдлаар баяжуулахаас гадна иргэдийн шилжилт хөдөлгөөнийг анхаарах зэрэгтэй холбоотойгоор эдгээрийг бэлтгэж хангах ажлууд тусгагдсан билээ. Бэлтгэл ажлын хүрээнд эхний ээлжинд одоогийн байдлаар Нийслэлийн Баянзүрх, Сонгион-Хайрхан дүүрэгт иргэний бүртгэлтэй холбоотой үзлэг, шалгалтыг хийж эхлээд байгаа бөгөөд одоогоор ямар нэгэн зөрчил илрээгүй байна. Цаашид ажлын хэсгийн төлөвлөгөөний дагуу бэлтгэл ажлыг үргэлжлүүлэн хийнэ.