Өнөөдөр УИХ-ын гишүүн Т.Аубакир, С.Зулпхар нарын хамтаар Булган суманд иргэдийн санал хүсэлтийг сонсож, шинээр баригдсан сургуулийн спорт заалны нээлтийн үйл ажиллагаанд оролцлоо.
Иргэдийн зүгээс дараах асуудлуудыг хөндөж, ярилцлаа.

• Булган сум нь Монгол Улсын хамгийн алслагдсан сум тул хөдөө мал маллах малчид цөөрч байгааг онцлон энэ талаар хариу арга хэмжээ авах
• Тусгай хамгаалалттай бүсэд отроор нүүдэллэж буй малчдад зөвшөөрөл өгөх асуудлыг холбогдох яаманд уламжлах
• Булган-Дэлүүн сумын чиглэлд сайжруулсан шороон зам тавих
• Булган сумын халаалтын систем хуучирсан тул их засварт оруулах
• Соёлын төвийн барилгыг шинээр барих эсхүл их засварт оруулах
• Алслагдсан суманд амьдардаг ахмадуудад хөнгөлөлттэй эмээр үйлчлүүлэхэд боломжтой эсэх зэрэг асуудлуудыг чухалчилж онцлов.