Хэрэглэгчийн эрхийг хамгаалах хуулийн хэлэлцүүлэг, санал асуулга Сэлэнгэ аймагт өрнөж байна. Хуулийн Ажлын хэсгийн ахлагч Б.Бат-Эрдэнээр ахлуулсан төлөөлөгчид Хэрэглэгчийн эрхийг хамгаалах тухай хуулийн шинэчилсэн найруулгын төслийг Сэлэнгэ аймгийн иргэдэд танилцуулж, хэлэлцүүлэг өрнүүлж байна. 

"Та худалдан авалт хийхдээ чанаргүй бараа, буруу үйлчилгээтэй тулгарч байсан уу? Хууль таныг хамгаална" үзэл баримтлал дээр тулгуурлан дараах 4 асуудлыг хөндөж байна.

• Бараа, бүтээгдэхүүн чанарын шаардлага хангах ёстой.
• Үйлчилгээний байгууллагууд хариуцлага хүлээнэ.
• Шударга бус үнэ, хуурамч хямдралаас сэргийлнэ.
• Хохирол учирвал нөхөн төлүүлэх эрхтэй.

Хэрэглэгчийн эрхийг хамгаалах тухай хууль зөв хэрэгжсэнээр бид бүгд шударга, аюулгүй, найдвартай худалдан авалт хийх боломжтой. Эрхээ мэдэж, шаардаж, хамгаалж сурцгаая.