УИХ-ын гишүүн Ч.Ундрам Сэлэнгэ аймагт ажиллах үеэрээ Хот дахин төлөвлөлтийн ажлын хүрээнд Сэлэнгэ аймгийн Сүхбаатар сумын 7-р багт баригдаж буй “Сүлд хотхон” орон сууцны барилга угсралтын ажлын явцтай танилцлаа.

Хуучин хоёр давхар барилгыг нураах зардлыг аймгийн төсвөөс санхүүжүүлж, газрыг чөлөөлөн 12 давхар 3 блок бүхий 225 айлын орон сууц барихаар төлөвлөсөн юм. Барилгын ажлын гүйцэтгэл өнөөдрийн байдлаар 80 хувьтай, өрлөгийн ажил 50 хувьтай үргэлжилж байна.

Гүйцэтгэгчдийн зүгээс уг төслийг 2025 онд багтаан ашиглалтад оруулж, иргэдийг аюулгүй, тав тухтай орчин бүхий орон сууцаар хангахаар зорин ажиллаж байгаа аж.