Хушаат сумын Мөнхтолгой багийн фермер Ш.Баянжаргал “Улсын аварга фермер”-ээр тодорч шагналыг өргөө гэрт нь гардуулан өгч хүндэтгэл үзүүллээ. Ш.Баянжаргал нь 2006 оноос махны чиглэлийн Казакийн цагаан толгойт үүлдрийн үхэр өсгөн үржүүлж эхэлсэн бөгөөд эрчимжсэн мал аж ахуйг хөгжүүлэх, ашиг шимийг нэмэгдүүлэх чиглэлээр тууштай хөдөлмөрлөж ирсэн туршлагатай фермер юм.

Тэрээр генефондыг сайжруулах зорилгоор Грефорд үүлдрээр сайжруулан бордон тэжээх ажлыг амжилттай хэрэгжүүлж, өсвөр хээлтэгч, хээлтүүлэгч нийлүүлэн зах зээлд гаргаж, өрхийн орлогоо нэмэгдүүлэн ажиллаж байна.Түүний хичээл зүтгэл, уйгагүй хөдөлмөрийн үр дүнд эрчимжсэн мал аж ахуй нь тогтвортой хөгжиж, аж ахуйн үр ашиг нэмэгдэж буй талаар аймаг, сумын удирдлагууд онцоллоо. Эрдэнэт мал сүргийн буян хишиг арвижин дэлгэрч, хөдөлмөрч фермерүүдийн ажил үйлс өөдрөг байх болтугай!