УИХ-ын дарга Д.Амарбаясгалан "Үндэсний бичиг соёл, номын өдрийг тохиолдуулан дэлхийн өнцөг булан бүрт суугаа Монгол түмэндээ чин сэтгэлийн мэндчилгээ дэвшүүлье.

Бидний өв соёл, хэл бичиг нь Монгол үндэстний уг чанарыг, түүхийг, төлөвшлийг илэрхийлдэг билээ.

Бичиг үсэг, яруу найраг, урлаг, зан заншил нь өвөг дээдсийн маань оюун санаа, сэтгэлгээний гүнд хадгалагдан ирсэн бөгөөд өнөөдрийн бидний амьдралд чухал нөлөө үзүүлсээр байна.

Монголын яруу тунгалаг бичиг үсгээ эрхэмлэн дээдэлж, эх хэлний зөв соёлыг төлөвшүүлэх, үр хойчдоо үлдээн, түгээн дэлгэрүүлэхэд анхаарал хандуулах нь хамтын хүчин чармайлт гэдгийг мартаж болохгүй.

Үндэсний бичиг үсэг, соёлын үнэ цэн, оюун санаа, ирээдүйд ч хүчирхэг байлгаж, улс үндэстний ялгарал, тусгаар улсын нотолгоо болох юм.

Монгол бичиг, монгол хэл, монгол соёл минь үеийн үед түмэнд түгэн дэлгэрэх болтугай!" хэмээн мэндчиллээ.