Цөмийн аюулгvй байдлын талаар дээд хэмжээний уул­залт Сөүл хотноо хоёр дахь өд­рөө үргэлжиллээ. Энэ өдрийн уул­зал­таар цөмийн аюулгvй байдлын салбар дахь vндэс­ний арга хэмжээ, цөмийн физикийн аюулгvй байдлыг бэх­жvvлэхэд олон улсын хам­тын ажиллагааны оролцоо зэр­гийг хэлэлцжээ.

Улс орнуудын тєрийн тэр­гvvнvvд энэ үеэр цөмийн тер­роризмын аюулын эсрэг хамтдаа тэм­цэх шаард­лагатай талаар мэдэгдлээ. БНСУ-ын Ерєнхийлєгч Ли Мён Бак “Цөмийн терроризм хам­гийн том аюул хэвээр бай­на” гэж хэлсэн байна.

АНУ-ын Ерєнхийлөгч уулзалтад оролцогсдод хан­даж, “Цөмийн аюултай материалыг ашиглах, түүний боловсруулалтыг нэмэх санаагаа муухан нуудаг өөдгvй жvжигчид дэлхий дээр одоо ч гэсэн байна. Хэдэн зуун мянган энгийн номхон иргэнийг хөнөөхийн тулд ганц атга ийм материал бай­хад л хангалттай. Энэ бол хэтрүүлэг биш, гашуун үнэн” хэмээв.

Сөүлийн дээд хэмжээний уулзалтад 53 орны тэргүүн, олон улсын дөрвөн бай­гууллагын төлөөлөгчид оролц­жээ. Уулзалтын төгсгөлд төлөөлөгчид цөмийн физикийн аюулгvй байдлыг нэмэг­дүүлэх, цөмийн тер­роризмын аюулыг бууруулах талаар нэгдсэн дүгнэлт гаргасан.

Түүнчлэн дээд хэмжээний уул­зал­тад оролцогч орон бүр цөмийн аюулгvй байдлын талаар үндэсний меморан­думтай болох аж. Сөүлийн уулзалтад Хойд Солонгос, Иран улс урьдын адил оролцохоос татгалзжээ. Гэх­дээ Пхеньян саяхан уран баяжуулахаа зогсоосон гэж мэдэгдээд, Олон улсын атомын энергийн агентлаг (МАГАТЭ)-ийн шинжээчдийг эх орондоо урьсан билээ. Харин Иран улс уран баяжуулахаа зогсоох төлөвгүй байна.