Улсын нэгдсэн төсвийн зарлага 574 тэрбум төгрөгөөр хэтэрчээ
2012.07.17

Улсын нэгдсэн төсвийн зарлага 574 тэрбум төгрөгөөр хэтэрчээ

Монгол Улсын нийгэм, эдийн засгийн байдлын хагас жилийн дүнг Үндэсний статистикийн хорооноос гаргажээ. Дүнгээс үзвэл ДНБ-ий хэмжээ өмнөх оныхоос 2.6 их наяд төгрөг буюу 31 хувь, зэрэгцүүлэх үнээр 17.5 хувиар өссөн байна. Хүнс, ус, ундааны бүлгийн бараа, орон сууц, цахилгаан, түлшний үнэ 0.5-1.3 хувиар өссөн нь хэрэглээний барааны үнэ өсөхөд нөлөөлжээ. Мөнгөний нийлүүлэлт долоон их наяд төгрөгт хүрсэн нь өмнөх оныхоос 20 гаруй хувиар өссөн үзүүлэлт юм. Улсын нэгдсэн төсвийн тэнцвэржүүлсэн орлого болон тусламжийн нийт хэмжээ 2.4 их наяд төгрөг болсон ч зарлага, эргэн төлөх зээлийн хэмжээ 2.9 их наяд төгрөг болсноор улсын нэгдсэн төсөв алдагдалтай хэвээр байна.

 
0ЭКСПЕРТсэтгэгдэл
Сэтгэгдэл оруулахын тулд та хэрэглэгчийн эрхээр нэвтэрнэ үү.
Экспертүүдийн сэтгэгдэл
Одоогоор сэтгэгдэл нэмэгдээгүй байна.