-Тасралтгүй 25 жил тамхи татсан хүний уушги Чернобылийн АЦС-ийн цацраг идэвхт тоос амьсгалснаас ч илүүтэй муудсан байдаг гэнэ.

-Хагас зуун жилийн өмнө Ази, Африкийн орнуудад эмэгтэйчүүд бараг тамхи татдаггүй байсан бол өнөөдөр хөгжиж буй орнуудын эрэгтэйчүүдийн 60 гаруй, эмэгтэйчүүдийн 10 гаруй хувь нь татаж байна.

-Хөгжингүй орнуудад тамхинаас үүдэлтэй өвчнийг эмчлэхэд жил тутам 200 сая ам.доллар зарцуулдаг.

-Тамхи татдаг гэр бүлийн гишүүд тамхи хэрэглэдэггүй айлтай харьцуулахад эмнэлгийн тусламж авах нь тав дахин их болжээ.

-Орост хүүхдэд тамхи худалдах хориотой ч зургаан сая хүүхэд 13 хүртэлх насандаа тамхи татаж, өдөр бүр 3000 сурагч шинээр тамхинд орж байгаа нь тус улсын эрүүл мэндийн салбарынхныг түгшээж байна.

-Мөн тамхины утаатай агаараар амьсгалдаг хүүхдүүдээс жил бүр 8-26 мянга нь астма, 150-300 мянга нь уушгины хатгаа тусч, 7.5-15.6 мянган хүүхэд эмнэлэгт хэвтэн эмчлүүлдэг бөгөөд тэднээс 135-212 нь нас барсан байна.

-Өдөрт 1-1.5 хайрцаг тамхи татдаг залуус болон дунд насныхан тамхийг шууд хаях, харин ахмадууд өдөрт татах тамхиныхаа тоог багасгах замаар 10-14 хоногт тамхинаас бүрэн гарах нь үр дүнтэй болохыг мэргэжилтнүүд зөвлөж байна.

-Тамхины утаанд 4000 химийн элемент агуулагддагаас 40 нь маш аюултай аж.

-Тамхи татдаг эмэгтэйчүүдийн 42 хувь нь үргүйддэгийг Германы эмэгтэйчүүдийн эмч Бернхард тогтоосон байна. Мөн үр зулбасан эмэгтэйчүүдийн 96 хувь, дутуу төрөгсдийн 3/1 нь тамхичид байжээ.

-Дам тамхидалтын улмаас жилд гурван сая хүн уушгины хорд хавдраар, 67 мянган хүн зүрх, судасны өвчнөөр нас барж байна.

-Гэртээ болон ажил дээрээ дам тамхидалтад өртдөг эмэгтэйчүүдийн зүрхний өвчнөөр өвчлөх эрсдэл эрчүүдтэй харьцуулахад 1.91 дахин илүү байдаг.