Дэлхийд хүчирхийллийн гэмт хэрэг үйлдсэн жагсаалтаар эхний тавд жагсдаг улс бол Энэтхэг. Тиймдээ ч НҮБ болон хүний эрхийг хамгаалах олон улсын байгууллагууд, эмэгтэйчүүд, хүүхдүүдийн эрхийг хамгаалах төрийн бус байгууллагууд тус улсын иргэдэд онцгой анхаарал хандуулдаг. Олон ч үйл ажиллагаа явуулдаг. Эрүүл мэндийн үзлэг, сэтгэл зүйчийн зөвлөгөө гэх мэт нийгмйин болон гэр бүлийн хүчирхийллээс урьдчилан сэргийлэхийн тулд.

Харамсалтай нь талийгаач Сингапурын эмнэлэгт амиа алдсан гэдгийг эх сурвалжууд тухайн үед мэдээлж байв.

Өнгөрсөн сард Энэтхэгт олныг хамарсан жагсаал болсон. Тодруулбал, тус улсын нийслэл шинэ Дели хотод олон зуун иргэдийг хамарсан эсэргүүцлийн жагсаалын үеэр жагсагчид хүчнийхэнтэй хэд, хэдэн удаа мөргөлдсөн. Хүчирхийллийн хохирогч бүсгүй 23 настай байсан бөгөөд эрэгтэй найзтайгаа нийтийн тээврийн автобусанд явж байгаад ийнхүү хүчирхийлэлд өртжээ. Харамсалтай нь талийгаач Сингапурын эмнэлэгт амиа алдсан гэдгийг эх сурвалжууд тухайн үед мэдээлж байв. Үүнээс үүдэн уур бухимдал нь дээд цэгтээ хүрсэн жагсагчид хотын төв замуудыг хааж зогсон замын хөдөлгөөнд саад учруулж байсан юм.

Харин өчигдөр тус улсын Цагдаагийн газрын албанаас оны өмнө гарсан дээрх хүчингийн хэргийн золиос болсон 23 настай бүсгүйн үхэлд буруутай гэх этгээдүүдийг шүүх хурал болж буй талаар мэдэгдсэн. Ямартай ч нийгэмд бүсгүйн үхэлд гэмт этгээдүүдийг буруутгаж, цаашид иймэрхүү төрлийн гэмт хэрэг гарахгүй гэхийн баталгаа байхгүй тул шүүхийн гадаа эсэргүүцлийн жагсаал зохион байгуулсан юм. Бүлэг этгээдүүдийн гарт өртсөн хохирогч бүсгүйн гэр бүлийнхэн Энэтхэгийн эмэгтэйчүүдийн эрхийг чөлөөлөх, тус улсад хүчирхийллээс болж 26 секунд бүрт нэг хүн хүчирхийлэлд өртөж буй явдлыг зогсоохын төлөө тэмцэнэ гэдгээ мэдэгдсэн. Энэ нь олон нийтийг хамарсан жагсаал, цуглааныг илүү өргөн хүрээтэй болоход нөлөөлж буйг хэвлэлүүд онцолсоор байна. Хүний эрхийг хамгаалах олон улсын байгууллагын мэргэжилтнүүдийн тооцоогоор Энэтхэгт 26 секунд бүрт хэн нэгэн хүн хүчирхийлэлд өртөж байгааг олж тогтоосон талаар CNN агентлаг уламжлав.

Энэтхэгийн Дотоод хэргийн сайд Сушилкумар Шинде “Хүчирхийллийн эсрэг хуульд өөрчлөлт оруулах цаг болсон гэдэгт санал нэгтэй байна.

Хохирогч эмэгтэй үүний ил болсон хэрэг. Үүний цаана хэр олон хичирхийллийн шинж чанартай гэмт хэрэг нуун дарагдаж буйг хэн ч тааварлаж мэдэхгүй гэдэг жагсаал зохион байгуулагчид олон нутгийн хэвлэлээр өөрсдийн байр суурийг илэрхийлсээр байгаа юм. Мөн тэд хүчингийн, хүчирхийллийн төрлийн ямар ч гэмт хэрэг хийсэн хэнийг ч цаазаар авах ёстой хэмээжээ. Шүүгч Суман Налва “Оюутан бүсгүйг хүчирхийлсэн таван сэжигтнийг баривчлаад байна. Шүүх хурлын өмнө та бүхэнд ямар шийдвэр гарахыг хэлж мэдэхгүй нь. Ямартай ч шударга ёсны төлөө, нийгмийн сайн сайхны төлөө шийдвэр гаргах болно” хэмээн шүүх хурлын өмнө хэлжээ. Хэрэв гэмт этгээдүүдийг цаазаар авахгүй байх шийдвэр гаргах юм бол эсэргүүцэгчид цаашид ч тэмцлээ үргэлжлүүлэн, тэмцлийн хурц хэлбэрт шилжих болно гэдгээ эртнээс мэдэгдсэн.

Жагсагчид энэ удаагийн эсэргүүцлийн тэмцлээр төр засгаас эмэгтэйчүүдийн эрхийн тухай хууль, хүчирхийлэлийн эсрэг хуульд шинэчлэл хийх ёстой гэдгийг батлахыг хичээж байгаа юм байна. Энэтхэгийн Дотоод хэргийн сайд Сушилкумар Шинде “Хүчирхийллийн эсрэг хуульд өөрчлөлт оруулах цаг болсон гэдэгт санал нэгтэй байна. Манай улсад ч гэлтгүй Азийн ихэнхи орнуудад хүний наймаа, хүчирхийллийн төрлийн гэмт хэргүүд өдөр тутамд болдог. Тиймээс үүнийг томхон цар хүрээтэй шийдвэрлэх хэрэгтэй” хэмээжээ. Тиймээс тус улсад Хүчингийн хэргийн тухай хуулиа чангатгах цаг ирсэн нь дэлхий нийтийн анхаарлыг татаж байна.

Зөвхөн энэ төрлийн гэмт хэрэг ч биш ер нь тус улсын нийгэмд шийдвэрлэх олон асуудал бий.

Тиймдээ ч саяхан Энэтхэг халамжийн хөтөлбөрөө шинээр боловсруулсан. Тус улсын Засгийн газраас амьжиргааны баталгаажих төвшнөөс доогуур амьдралтай хүмүүст жилд тодорхой хэмжээний бэлэн мөнгө тараах халамжийн хөтөлбөрийг дахин найруулж боловсруулсан юм. Шинэ халамжийн хөтөлбөрийн дагуу Энэтхэгийн 200 мянга гаруй ядуу иргэн улсаас бэлэн мөнгө авч, амьжиргаагаа залгуулах бөгөөд цаашдаа энэ оны сүүл гэхэд тус хөтөлбөр орон даяар хэрэгжих юм байна. Халамжийн хөтөлбөрийн дагуу энэ онд нийт 58 тэрбум ам.доллар буюу 3200 тэрбум рупи зарцуулахаар төлөвлөсөн байна. Уг хөтөлбөрийн дагуу энэ сараас эхлэн Энэтхэгийн 20 хэсгийн оршин суугчид  29 төрлийн нийгмийн халамжид хамрагдан тусгай дугаар бүхий банкны дансаар дамжуулан бэлэн мөнгө авах аж. Мөн тус хөтөлбөрт ирэх хоёрдугаар сарын нэгнээс Энэтхэгийн 11, гуравдугаар сарын нэгнээс 12  хэсгийг нэмж оруулахаар болсон байна.

Энэ мэт халамжийн салбарт шинэчлэлт хийж байгаа шиг Хүчирхийллийн эсрэг хуульд өөрчлөлт оруулж, иргэдийн аюулгүй байдлыг хангахад зориулагдсан үйл ажиллагаа ихээхэн шаардагдаж буйг энэтхэгчүүд санал нэгтэйгээр дэмжиж байна.

Олон улсын “TrustLaw” сайт хүйсийн асуудлаар судалгаа шинжилгээ хийдэг бөгөөд 213 төрийн нийтлэг аюул болон эрсдлийг зургаан ангиллаар улс орнуудыг жагсаасан билээ. Эрсдлийн ангилал нь эрүүл мэндэд учруулах аюул заналхийлэх, бэлгийн хүчирхийлэл, ахуйн хүчирхийлэл, соёлын ба шашны хүчин зүйлүүд, нөөц баялгийн тэгш бус хуваарилалт, боолчлол зэргээс бүрддэг тул дээрх судалгааг хийжээ.  Судалгаагаар эмэгтэй хүн болж төрөмгүй улсуудаас Энэтхэг улс “хүндтэй” байр эзэлсэн байна. Өнгөрсөн оны байдлаар тус улсад хүн хулгайлах гэмт хэрэгт өртөгсдийн 90 гаруй хувь нь эмэгтэйчүүд байсан бол тус улсын гурван сая орчим биеэ үнэлэгчийн 40 хувь нь хүүхдүүд байдаг гэсэн тоо гарчээ.