Барилга, хот байгуулалтын сайд Ц.Баярсайхан, Монголын Барилгачдын холбооны ерөнхийлөгч М.Батбаатар, Монголын барилгачдын үйлдвэрчний эвлэлүүдийн холбооны дарга Б.Батцогт нар “Барилгын салбарын 2013-2015 оны хамтын хэлэлцээр”-ийг хэрэгжүүлэх гэрээнд гарын үсэг зурлаа.

Энэхүү хэлэлцээр нь барилга, барилгын материалын үйлдвэрлэлийн салбарт хөдөлмөр эрхлэгчдийн эрх ашгийг хамгаалах болон салбарын хөгжлийн тулгамдсан асуудлуудыг тодорхойлж үе шаттайгаар шийдвэрлэх зорилгоор хийгдсэн юм.

Уг гэрээнд: Барилгын материалын үйлдвэрлэлийн салбарт хөдөлмөр эрхлэгчдийн эрх ашгийг хамгаалах хэрэгтэй.

Хөдөлмөрийн хортой хүнд нөхцөлд ажилладаг ажилчдын цалинг 10.8 хувиар өсгөнө хэмээн гэрээнд заажээ.

Барилгын салбарын тулгамдсан асуудлыг шийдвэрлэх талаар БХБЯ-аас “Барилгын салбарын удирдах ажилтны зөвлөгөөн”-ийг жил бүр зохион байгуулах, барилгын салбарт үйл ажиллагаа явуулж буй аж ахуйн нэгжүүдийн үйл ажиллагаанд чанарын удирдлагын ISO 90001 болон хөдөлмөрийн аюулгүй байдал, эрүүл ахуйн хяналтын OHSAS 18001 стандартуудыг нэвтрүүлэх чиглэлээр салбарын төрийн болон ТББ-ууд, мэргэжлийн холбоодтой хамтарч ажиллана.

Хөдөлмөр эрхлэлтийн талаар барилгын салбарын эрэлт хэрэгцээнд нийцэх мэргэжил, ур чадвартай үндэсний ажиллах хүчийг бэлтгэх зорилгоор “Мэргэжлийн боловсролыг дэмжих сан” байгуулж ажиллуулах болон шинээр ажлын байр бий болгох чиглэлээр идэвхи санаачлагатай ажиллаж буй үндэсний ажил олгогч эзэд, хөрөнгө оруулагчдыг татварын бодлогоор дэмжих зэрэг олон арга хэмжээ авахаар тусгажээ.

Барилгын салбарын гурван талт гэрээ

“Барилгын салбарын 2013-2015 оны хамтын хэлэлцээр”-ийг хэрэгжүүлэх гэрээнд гарын үсэг зурлаа.

Цалин хөлсний талаар барилга, барилгын материалын үйлдвэрлэлийн салбарт ажиллагсдын хөдөлмөрийн хөлсний доод хэмжээг 358848 төгрөг болгож нэмэгдүүлэхээр заажээ. Үүнд барилгын салбарт ажиллаж байгаа тогооч, үйлчлэгч, харуул зэрэг ажлын байр мөн хамаарах гэнэ. Хөдөлмөрийн хортой хүнд нөхцөлд ажилладаг ажилчдын цалинг 10.8 хувиар өсгөнө хэмээн гэрээнд заажээ.

Хөдөлмөр хамгаалал, нийгмийн баталгааны талаар “Цэнхэр карт” хөтөлбөрийг хэрэгжүүлж ажиллах болон зарим онцлогтой ажлын байрны хөдөлмөрийн хэвийн бус нөхцөлийг бууруулах арга хэмжээг жил бүр авах, барилгын салбарт даатгалын тогтолцоог нэвтрүүлэх чиглэлээр талууд хамтарч ажиллана зэрэг олон зүйлийг тусгасан байна.

Энэхүү хэлэлцээрийн биелэлтийн явцыг жилд нэг удаа дүгнэх бөгөөд хэрэгжилтэд хяналт тавих үүрэг бүхий оролцогч талуудын хамтарсан зөвлөлийг энэ оны 2 дугаар улирлаас эхлэн БХБ-ын сайдын дэргэд байгуулж ажиллуулхаар боллоо.