Цөмийн технологийг манай улсын хувьд бүхий л салбарт ашиглаж байна. тэгвэл цөмийн зэвсгээс ангид байж яриа хэлэлцээрийн журмаар тусгаар тогтнолоо баталгаажуулах нь нэн чухал байна.

Цөмийн зэвсгээс ангид байх хууль болон уг хууль батлагдсантай холбогдуулан авах арга хэмжээний тухай УИХ-ын тогтоол 2000 оны 2-р сарын 3-д батлагдсан байдаг. Энэ хууль нь монгол улсын аюулгүй байдлыг улс төр, дипломатын аргаар хангахад чухал хүчин зүйл болдог.

Монгол улсын нутаг дэвсгэрийг цөмийн зэвсгээс ангид байлгахтай холбогдсон харилцааг үндэсний хэмжээнд зохицуулж, олон улсын өргөн дэмжлэгийг авч байгаа. Энэ асуудлын хүрээнд саяхан аюулгүй байдал, гадаад бодлогын байнгын хорооны хуралдаанаар цөмийн зэвсгээс ангид байх тухай хуулийн хэрэгжилтийг дүгнэх ажлын хэсгийг байгуулсан байна.

Цөмийн энергийн газрын дарга Н.Тэгшбаяр:

Орчин үед хүмүүс зэвсгээр хөөцөлдөх биш яриа хэлэлцээрийн шугамаар дипломат аргаар тусгаар тогтнолоо хамгаалах тухай асуудлууд маш их яригдаж байна. энэ хүрээнд монгол улс цөмийн зэвсгээс ангид байх тухай хуулийн хэрэгжилтийг хэлэлцсэн. Энэ бол стратегийн хувьд маш их ач холбогдолтой. Бидний 20 жилийн өмнө гарсан санаачилгыг дэмжиж олон улсын атомын энергийн агентлагийн байнгын гишүүн таван орон Монгол улсын тусгаар тогтнол, аюулгүй байдалд баталгаа гаргасан жил байлаа.

Цөмийн энерги ашиглах, цөмийн технологийн асуудал бол зөвхөн нэг ая дангаар явдаг. Энэ нь олон улсын атом, энергийн агентлагийн бодлого зөвлөмжид туссан. Энэ ажлыг цэвэрхэн идэвхитэй сайн хийснээр олон улсын түвшинд монгол улс ажиллаж чаддагаа харуулах. Мөн цөмийн зэвсгээс ангид байх хуулийг биелүүлж, энхийн хэлэлцээрээр тусгаар тогтнолоо хамгаалах юм байна гэдэгт хувь нэмрээ оруулж ажиллах болно.

Цөмийн зэвсгээс ангид байх манай улсын статус нь өөрийн улсын аюулгүй байдал, бүс нутгийн аюулгүй тогтвортой байдалтай шууд холбож байгаагаараа чухал юм. 2013 оны 11-р сарын байдлаар олон улсын атомын энергийн агентлагийн гишүүн нийт 160 улс байгаа бөгөөд 950 гаруй цөмийн байгууламж хяналтад байдаг байна.

Н.Тэгшбаяр: Энхийн зорилгоор цөмийн технологийг нэвтрүүлнэ