Цацраг идэвхит ашигт малтмал хайх үйл ажиллагаатай холбоотойгоор нийгэмд гарч байгаа мэдээлэл, нутгийн иргэдийн хүсэлт шаардлагын дагуу Монгол улсын Үндсэн хуулийн 16.2, 16.12, 17.2 дугаар заалт,

Байгаль хамгаалах тухай хуулийн 4.4, 32.1.1 дүгээр заалтын хүрээнд нийт 16 төрийн бус байгууллага, хэвлэл мэдээллийн байгууллагын төлөөлөл оролцсон баг Дорноговь аймаг, Улаанбадрах сум, Кожеговь ХХК-ны үйл ажиллагаатай газар дээр нь очиж танилцах, нутгийн иргэд болон аймаг, сумын удирдлагуудтай уулзалт зохион байгуулахаар 2013.12.01-03-ний өдрүүдэд Дорноговь аймагт ажиллалаа.

Нутгийн иргэдтэй хийсэн уулзалтаар сумын иргэд дахин хуралдаж Улаанбадрахад ураны хайгуулыг хорих асуудлаар шийдвэр гаргахаар болсон бөгөөд аймаг, сумын удирдлагууд энэхүү шийдвэрийг дэмжиж буйгаа илэрхийсэн.

Газрын хэвлий рүү хүхрийн хүчил шахсаны улмаас мал амьтан үхэж, хортой гэдэг нь бодитоор илрээд байхад аюулгүй хэмээн тайлбарлаж байгаа төр засгийн удирдлагуудыг яах вэ?

Иргэний хөдөлгөөнийхөн Кожеговь компани дээр үйл ажиллагаагаа зогсоохыг шаардсан арга хэмжээ зохион байгуулахаар очсон боловч Кожеговь компанийн удирдлагууд иргэний нийгмийн төлөөлөлтэй уулзахаас татгалзсан бөгөөд компанийн үйл ажиллагааг шалгахаар ирсэн Дорноговь аймгийн байгаль орчны улсын байцаагчийг оруулаагүй нь тус компанид Монгол улсын хууль үйлчилдэггүйг харуулж байна.

Газрын хэвлий рүү хүхрийн хүчил шахсаны улмаас мал амьтан үхэж, хортой гэдэг нь бодитоор илрээд байхад аюулгүй хэмээн тайлбарлаж байгаа төр засгийн удирдлагуудыг яах вэ?

Иргэний нийгмийн байгууллагууд байгаль орчинд хортой технологиор уран олборлохыг эсэргүүцэж байна