УИХ-ын намрын чуулган сар шинийн өмнөхөн завсарласан. Харин ирэх гуравдугаар сарын 20-нд ээлжит бус чуулган хуралдах тов гараад байгаа. Чуулган завсарласан энэ өдрүүдэд Төрийн ордон нам гүмхэн байна. Гишүүдийн зарим нь гадаадад яваа бол нэг хэсэг нь хөдөө орон нутагт ажиллаж буй юм. Тэгвэл УИХ-ын зарим гишүүд хаагуур, юу хийж амарч байгаа талаар  тодруулснаа хүргэе.

-УИХ-ын ээлжит бус чуулганыг  энэ сарын 20-нд эхлүүлэхээр болж байх шиг байна. Чуулганы зав­сар­лагаанаар та ямар ажил амжуулах гэж байна?

-Ирэх гуравдугаар са­рын 12-нд УИХ-ын дар­гын айлчлал байгаа. Ми­ний бие энэ айлч­лалын бүрэлдэхүүнд багтсан. Дараа нь зүүн айм­гуудаар явна. Өмнө би баруун аймгуудаар явсан. Өнгөрсөн жил нийт­дээ 24 мянган км зам туулсан байсан л даа. Мөн хууль суртал­чил­гааны асууд­лаар Казахстанд турш­лага судална. Эрүүл мэн­дийн асуудлаар гадаг­шаа эмчилгээнд явна.

-Танай намынхан Н.Энхбаяр даргатайгаа очиж золгох мэдээ байна. Хэзээ явах вэ. Та хамт очих  уу?

-Манай намынхан маргааш (өнөөдөр) намын дар­гад очиж золгоно.Харин миний бие гадагшаа эм­чилгээнд явж таарч бай­гаа юм. Эмч нарын зөв­лөгөөний хурлаар эм­чилгээ хийлгэх шаард­лагатай болсон.

-МАХН Их хурлаа хэдэн сард хурал­дуу­лах юм бол. Ямар асууд­луудыг хэлэлцэх вэ?

-Ирэх дөрөв юм уу, тавдугаар сард Их хурал болох мэдээ байгаа. Энэ талаар тодорхой мэдээ­лэл алга.