“УИХ-ын гишүүнтэй ярилцах цаг” нэвтрүүлгийн зочноор УИХ-ын гишүүн, өргөдлийн байнгын хорооны дарга Р.Бурмаа оролцлоо.

- Өргөдлийн байнгын хороонд одоогийн байдлаар ирсэн өргөдөл, гомдлын талаар мэдээлэл өгөхгүй юу. Энэ өргөдөл, гомдлыг хэрхэн шийдвэрлэж байгаа вэ?

Сард дунджаар 150 өргөдөл ирж байна. Бид байнгын хорооны өөр өөр намын төлөөлөл бүхий хоёр гишүүнд өргөдөл, гомдлоо хуваарилж өгдөг. Энэ асуудлуудаа судлах, нарийвчлан лавлагаа авах зэргээр ажилладаг. Голдуу хувийн хүсэлтүүд их ирдэг. Анх өргөдлийн байнгын хороо байгуулагдаж байх үеийг бодвол байр орон сууц, эмчилгээний зардал, сургалтын тэтгэлэг хүссэн өргөдлүүд нэлээд багассан. Өргөдлийн байнгын хороо нь их хурлын гаргаж байгаа бодлого шийдвэртэй холбоотой гаргасан хууль, Засгийн газрын тогтоол шийдвэрүүд хоорондоо зөрчилтэй байна уу зэрэгт хяналт тавих, чиг үүрэгт нь зориулсан чиглэлийн санал, өргөдлүүд сүүлийн үед нэлээд нэмэгдэж байна. Тухайлбал, сүүлийн хоёр ч байнгын хорооны хурал дээр ашигт малтмалын тусгай зөвшөөрлийн эрхийг цуцлах өргөдлүүд ирлээ. Бид энэ дээр ажиллаж байна.

- Таны ярьсанчлан ашигт малтмалын лицензийг төр хүчингүй болгосонтой холбоотой асуудлуудыг яаж зохицуулах ёстой бэ? Жишээ нь, шинэ ашигт малтмалын тухай хууль хэлэлцэгдээд явж байна шүү дээ. Энд төрийн хүлээх үүрэг гэж байна уу?

Сүүлийн хоёр ч байнгын хорооны хурал дээр ашигт малтмалын тусгай зөвшөөрлийн эрхийг цуцлах өргөдлүүд ирлээ.

Тухайлбал, ашигт малтмалын газрын дарга байсан н.Батхуягийн буруутай үйлдлээс болж 106 лиценз цуцлагдсан. Гэхдээ тусгай зөвшөөрөл эзэмшигч тал огт буруугүй биш байгаа. Сонгон шалгаруулалтаар авах ёстой байтал тэгэлгүйгээр АМГ-ын дарга асан н.Батхуяг тэр зөвшөөрлүүдийг олгосон байдаг. Тэдгээр компаниуд сонгон шалгаруулалтад орох ёстойг мэдэж байсан хэрнээ сонгон шалгаруулалтгүйгээр аваад хөрөнгө оруулаад явсан байгаа юм.

Хоёулаа буруутай гэхээр нөгөө талдаа сонгон шалгаруулалтгүй тусгай зөвшөөрлийг олгосон этгээдийг хянах ёстой төрийн байгууллага яагаад ажиллаагүй юм бэ, хоёрдугаарт, хоёр жил хамаг хөрөнгийг нь шороонд булуулж хайгуул хийлгэж, орд газрыг нээлгээд, хөрөнгө мөнгөө зарцуулсны дараа хурааж авах нь шударга уу гэсэн асуудал гарч байна. Тэр даргын үйлдэлд давхар хяналт тавьдаг чиг үүргийн сайд, МХЕГ зэрэг байгууллагууд яагаад хяналтаа тавиагүй юм бэ? Хэрвээ тусгай зөвшөөрөл өгсний дараа түүнийг нь мэдээд үйл ажиллагааг нь зогсоосон бол 106 тусгай зөвшөөрөл эзэмшиж байгаа хүмүүс хөрөнгөө оруулахгүй байсан. Оруулсан ч бага хэмжээний байх үед нь буруу үйлдлийг нь зогсоочихсон бол тэр компани, аж ахуй нэгжүүд их хэмжээний хохирол амсахгүй байлаа.

Үргэлжлэлийг нэвтрүүлгээс...

Р.Бурмаа: Сард дунджаар 150 өргөдөл, гомдол ирдэг