Хэдийгээр амралтын өдөр ч Чингисийн талбай хөл хөдөлгөөн ихтэй бай­­лаа. Хэдэн өдөр хуйсаг­наж хур хаяласан хаврын тэнгэр “Эх орныхоо бүтээн байгуулалтыг ар иргэд тав­тай тухтай үзэж сонирхог гэсэн” шиг ааш аягаа зөөл­лөсөн байв. Эмээ өвөөгөө сугадсан залуус, үр хүүхдээ дагуулсан залуу хосууд, ач зээгээ эрхлүүлэнгээ элд­вийг үзэж сонирхож яваа хүмүүсээр талбай дүү­р­­сэн байлаа. Цагийн зүү 10:00 цагийг заахад УИХ, Засгийн газрын гишүүн Уул уурхайн сайд Д.Ганхуяг талбайд хуран цугласан олны амар мэндийг мэдсэн юм.

Тус яамны харьяа бай­гууллагууд өөрсдийн бү­тээ­лээ дэлгэхээр аль хэ­дийн байраа эзэлсэн байв. Дэлгэж тавьсан бүгд нь хараа булаасан энэ өдөр­лөг ойр ойрхон болж байвал зүгээр юм” хэмээн хүмүүс өөр хоорндоо ярил­цах аж. Үнэхээр нүд хужир­ла­­­сан сайхан зүйл энэхүү нээлттэй хаалганы өдөрлөгт оролцогчдод их байсан. Ту­хайлбал Гео­логийн төв ла­бо­раторийн хамт ол­ны дэлгэсэн 1.500-2.500 төг­рөгийн үнэтэй хаш чулуун хөөрөг, халтар мана, чу­­луужсан мод, ногоон хаш чулуугаар урласан 85.000 төг­рөгийн үнэтэй дөрвөн бэрхийн шагай үндэсний хэв шинжээ агуулсан болоод ч тэр үү олны нүд сэтгэлийг эрхгүй татаж байсан юм.

Тус үзэсгэлэнгийн бас нэгэн сонирхолтой, олныг нэлээд өөртөө татсан асар бол “Мireco” гэх хаягтай компани байлаа. Тус ком­панийн нь 2010 онд манай улсад төлөөлөгчийн газраа байгуулан уул уурхайн нөхөн сэргээлтийн ажлаа эрчимтэй явуулж байгаа аж. Тэд энэ удаагийн нээлт­тэй хаалганы өдрөөр “TSI” аппаратаа дэлгэсэн бай­лаа. Тэрхүү аппаратыг уул уурхайн компанийнхан бо­лон жирийн иргэд ч ихэд сонир­хож байсан юм. “TSI” нь орчны тоосжилтын бо­хирдлыг хэмжигч багаж аж. Аяны зориулалтын гар чийдэн шиг авсаархан энэ тоног төхөөрөмжийг өөрий­гөө цэцэрлэгийн багш хэ­мээн та­нилцуулсан бүсгүй бус­даас илүү сонирхож байсан юм.

“Монполимет” групп монос, нохойн хошуу, хусны үр, ясны бордоо, өргөст харгана, сибирь шинс, шар царгасны үр, согооворын үр, голт бор, гүйлс зэргийг дэлгэжээ

Дээхэн үед хүрээний зах дээр ногоон хурганы арьс нохойн битүү туурай бий гэдэгчлэн энэ ёстой л байхгүй юмгүй мэт байв. “Монполимет” группынхэн нөхөн сэргээлтэд ашиглаж буй монос, нохойн хошуу, хусны үр, ясны бордоо, өргөст харгана, сибирь шинс, шар царгасны үр, согооворын үр, голт бор, гүйлс, америк зүлэгний үр, ботуул хэмээх олон наст өвслөг ургамлын үр зэрэг олон ургамлын үрийг дэлгэсэн байв. Ногоон байгууламжийг хэн хүнгүй мөрөөдөх болсон энэ үед тус байгууллагын үзмэрээс худалдан авахыг хүссэн ир­гэд нэлээн байсан бөгөөд ху­далдахгүй байгаад нь жаа­хан ундууцаж байсан юм. Гэвч хөтчүүд нь эвтэйхэн тайл­барлаж хаанаас ямар төрлийн ургамал авч бо­лохыг тайлбарлаж өгч бай­лаа.

85.000 төг­рөгийн үнэтэй дөрвөн бэрхийн шагай

Тус групп нь анх 1992 онд байгуулагдсан цагаасаа хойш уул уурхай, барилгын материал үйлдвэрлэл, ба­рилга угсралт, худалдаа үйл­­чилгээ эрхэлж байгаа бөгөөд 2003-2014 онуудад БОНХЯ,УУЯ,МХЕГ,АМГ, МУУҮА-иас шалгаруулдаг Монгол Улсын “Уул уурхайн салбарын тэргүүний нөхөн сэргээгч байгууллага”-аар удаа дараа шалгарч байжээ.

Уул уухайн аврах ажил­лагааны баг, дизель түлш үнэртсэн элдэв янзын чу­луу, хүйтний улиралд улаан­­­баатарчуудын гол хэ­рэглээ болсон нүүрс, бай­галь орчинд ээлтэй био этанол эко-92 шатахуун, MGL-92, нана-92, Нано-ДТ гээд уул уурхаын салбарт ажил­лагсдын хөдөлмөрийн бү­тээмж, үр өгөөжүүд тэнд дэлгэгдсэн байсан юм.