Малын удмын сан, эрүүл мэндийг хамгаалах тухай хуулийг шинэчилж, Малын генетик нөөцийн тухай хуулийг боловсруулж үзэл баримтлалыг батлуулахаар салбарын эрдэмтэд ажиллаж байна.

Үүнтэй уялдуулан зайлшгүй хийх ажил бол “Малын үржлийн ажлын стратеги төлөвлөгөө”-г шинэчлэн боловсруулах явдал юм. Энэхүү төлөвлөгөөг 2021 он хүртэл хэрэгжүүлэхээр боловсруулж гаргасан байгаа боловч амьдрал дээр хэрэгжих шатанд учир дутагдалтай байгаа учрас үүнийг шинэчлэн боловсруулах зорилгоор таван төрлийн мал болон жижиг амьтан, гахай, шувуу гэсэн ангиллаар зургаан удаагийн хэлэлцүүлгийг зохион байгуулах юм байна.

Эхний хэлэлцүүлгийн адууны үржлийн стратегийг хэрхэн боловсруулах вэ? гэдэг асуудлаар зохион байгуулсан юм. Хэлэлцүүлгүүдийг зохион байгуулснаар одоогийн төлөв байдлаа тодорхойлсон багц ажил болжээ.

Тэгвэл энэ удаагийн хэлэлцүүлэг нь “Үхрийн үржлийн ажлын стратеги” сэдвийн хүрээнд зохион байгуулагдаж байна.

Хэлэлцүүлэгт салбартаа олон жил ажилласан ахмад малзүйчид, ҮХААЯ, МЭҮГ-ын мэргэжилтнүүд, МААЭШХ-ийн эрдэм, шинжилгээний ажилтнууд ХААИС-ийн эрдэмтэн багш нар оролцжээ. Мөн 21 аймаг, нийслэлээс тусгайлан өөрсдийн онцлогт тохируулан үржлийн ажлын стратеги төлөвлөгөөнд тусгах саналаа ирүүлсэн байна.

Цаашид малын үржлийн ажлыг хэрхэн явуулах, хэрэгжүүлэх арга зам тодорхой болно гэдэгт итгэж байгаа

Өнөөдрийн хэлэлцүүлэгт үхрийн үржлийн ажлын стратегийг хэрхэн төлөвлөх талаар болон гойд ашиг шимт мал шалгаруулах журам, үржил селекцийн ажлын ололтыг хянан магадлах, баталгаажуулах бүртгэх, хяналт тавих журам, үүлдэр, ашиг шимийн зөвлөлийг байгуулах, зөвлөлийн бүтэц, үйл ажиллагаа гэсэн үндсэн чиглэлүүдээр хэлэлцүүлэг өрнүүлж салбарын эрдэмтэд, мэргэжилтнүүдийн саналыг тусгажээ.

Энэхүү хэлэлцүүлгүүдийг зохион байгуулснаар цаашид малын үржлийн ажлыг хэрхэн явуулах, хэрэгжүүлэх арга зам тодорхой болно гэдэгт итгэж байгаа салбарынхан онцоллоо. Ингэснээр бүс нутгийн онцлогт тохируулан малын төрөл тус бүр дээр цаашид хэрэгжүүлэх үржлийн арга хэмжээг тодорхойлох юм байна.

Малын үржлийн ажлын стратеги сэдэвт хэлэлцүүлэг боллоо