Зүүн бүсээс сонгогдсон УИХ-ын гишүүн Ц.Идэрбат, У.Отгонбаяр нар Малын индексжүүлсэн даатгалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг Байнгын хорооны болон чуулганы хуралдаанаар хэлэлцүүлэх бэлтгэл ханга бүхий ажлын хэсэгт ажиллаж буй.

Энэ хүрээнд бүсийн сум, хөдөөгийн багууддаа хэлэлцүүлэг зохион байгуулах ажлыг хоёрдугаар сарын хоёрны өдрөөс эхэлсэн.

Харин УИХ-ын гишүүн М.Бадамсүрэн Аж үйлдвэржилтийн бодлогын байнгын хорооны тогтоолоор байгуулагдсан Өрхийн бичил, жижиг, дунд үйлдвэрлэлийг дэмжих, хөгжүүлэх бодлогын хүрээнд холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсгийг ахлан бүсийн аймгууд, багтаа цуврал хэлэлцүүлгүүдийг зохион байгуулж байна. УИХ-ын гишүүн, Ерөнхий сайдын Л.Оюун-Эрдэнийн зөвлөх Ш.Шижир-Эрдэнэ мөн тус багт ажиллаж буй.

Тэгвэл УИХ-ын гишүүн Л.Соронзонболд, М.Ганхүлэг нар өнөөдрөөс эхлэн багийн уулзалтаа Цэнхэрмандал сумаас эхэллээ. Гишүүд ирэх хаврын чуулган хүртэл хэлэлцүүлэг, багийн уулзалтаа үргэлжлүүлэн зохион байгуулах юм байна.

Маргааш буюу 02 дугаар сарын 6-ний өдөр Хэнтий аймаг, Чингис хотод Гэр бүл, Хөдөлмөр, Нийгмийн хамгааллын сайд Л.Энх-Амгалангийн хамт ипотекийн зээл, хувийн орон сууц, нийгмийн даатгал, цалин тэтгэвэртэй холбоотой асуудлаар иргэдтэй хийх уулзалт, үдээс хойш аймгийн удирдлагууд, агентлаг, байгууллагын дарга нартай уулзалт зохион байгуулна.

Сэтгүүлч

Сэтгүүлч Б.Хонгорсайхан