Манай улсын нийгэм, эдийн засгийн баталгаа, оршин тогтнохын үндэс болсон Хүнс, хөдөө аж ахуйн салбарт хөдөлмөр бүтээлээ зориулж яваа Танд болон танай гэр бүл, хамт олон, хэрэглэгч түмэн олондоо XVII жарны Гал бичин жилийн мэндийг хүргэж, дүүрэн жаргалтай, түвшин амгалан байхын ерөөлийг өргөн дэвшүүлье.

Улиран өнгөрч буй хөхөгчин хонин жил Хүнс, хөдөө аж ахуйн салбарыг хөгжүүлэх Монгол Төрийн шинэ бодлогыг тодорхойлсон, мал сүрэг өсөн төлжиж ашиг шим нь дээшилсэн, тарьсан тариа будаа үржин арвижиж өгөөж буянаа өгсөн, алс хэтийн амжилтын суурийг тавьсан өлзийтэй сайхан жил байлаа.

Ээлж халаагаа өгч байгаа хонин жил манай Хүнс, хөдөө аж ахуйн салбарын хувьд амжилт бүтээл дүүрэн жил байлаа. Малчин олон түмний хичээл зүтгэл, байгаль дэлхийн ивээлээр Монгол Улсын түүхэнд тохиолдоогүй амжилт гарч малын тоо толгой 56 саяд хүрч, малчин өрхийн тоо өмнөх оноос 3,6 мянгаар буюу 2,2 хувиар нэмэгдэн, нийт 153 мянгад хүрлээ.

Малчдын орлогыг тогтворжуулж, мал аж ахуйн бүтээгдэхүүний өрсөлдөх чадварыг дээшлүүлэх, үндэсний үйлдюрлэлийг дэмжих, экспортын бүтээгдэхүүнийг нэмэгдүүлэх зорилгоор арилжааны банкаар дамжуулан малчдад шинээр олгох зээлийн хүүг бууруулж байна. Түүнчлэн малчин түмнийхээ зайлшгүй хэрэгцээ шаардлагыг харгалзан Хунс. хөдөө аж ахуйн яам дэргэдээ “109” төлбөргүй лавлах ажиллуулж, хөдөө орон нутагт амьдарч. ажиллаж байгаа иргэдийнхээ саналыг шууд хүлээн авч байна.

Газар тариалангийн салбарт байгалийн эрсдэл багагүй бэрхшээл үзүүлсэн хэдий ч тариаланч түмний маань хичээл, хөдөлмөрийн үр дүнд дотоодын ургацаас 215,7 мянган тонн үр тариа. 165.3 мянган тонн төмс, 72,7 мянган тонн хүнсний ногоо хураан авлаа. Уур амьсгалын өөрчлөлттэй холбоотой бэрхшээлүүд нь бидэнд ч шинэ нөхцөл байдалд дасан зохицож, шинэ арга барилаар ажиллахыг шаардаж байна. Тиймээс ч салбарын эрх зүйн таатай орчинг бүрдүүлэх зорилгоор “Төрөөс хүнс, хөдөө аж ахуйн талаар баримтлах бодлого” болон “Тариалангийн тухай хууль”-ийг Улсын Их Хурлаас хэлэлцэн баталлаа.

Мал аж ахуйн салбарт гарч буй ахиц дэвшилтэй уялдан малчид, хөдөөгийн ард иргэдийг ашиг, орлоготой болгох язгуур зорилтын хүрээнд Монгол Улсын Засгийн газар “Мах хөтөлбөр”-ийг батлан гаргаж. Монгол хөрсөн дээр бий болсон эрүүл, чанарын баталгаатай мах, махан бүтээгдэхүүнийг хөрш хоёр улсад экспортлох эрүүл бүс, чанар, хорио цээрийн нөхцөлийг эцэслэн тохирч улмаар БНХАУ-д анх удаа түүхий мах экспортлох боломжтой боллоо.

УИХ-аас 2012 онд баталсан “Хүнсний тухай” болон “Хүнсний бүтээгдэхүүний аюулгүй байдлыг хангах тухай” хүнсний салбарын суурь хуулиуд , “Хүнсний аюулгүй байдал” үндэсний хөтөлбөр, “Хүнсний аюулгүй сав” дэд хөтөлбөрийг амжилттай хэрэгжүүлж байгаа бөгөөд хүнсний гол нэрийн бүтээгдэхүүнээр дотоодын хэрэгцээг бүрэн хангаж, хөдөө аж ахуйн бүтээн байгуулалтын бүсээр дамжуулан экспортлогч орон болохоос гадна Хүнс, хөдөө аж ахуйн салбарын ДНБ-д эзлэх хувийг нэмэгдүүлэх зэрэг зорилтуудыг тавин ажиллаж байна.

Ирж буй Гал бичин жилд бид бүхний хувьд салбарын бодлогын зорилтоо биелүүлсэн, амжилт бүтээлээ ахиулсан он жил байх болно гэдэгт итгэл төгс байна.

Эрхэм хүндэт Та бүхэн элгээрээ энх амгалан, төрлөөрөө түвшин амгалан байж, айл саахалтаараа эвтэй дэмтэй. түвшин сайхан аж төрөхийн ерөөлийг өргөн дэвшүүлье.

Та бүхэн сар шинэдээ сайхан шинэлээрэй.

МОНГОЛ УЛСЫН УЛСЫН ИХ ХУРЛЫН ГИШҮҮН, ХҮНС, ХӨДӨӨ АЖ АХУЙН САЙД РАДНААГИЙН БУРМАА

Мэндчилгээ