Гурван талт хэлэлцээрээр өнгөрсөн онд Засгийн газар цалин болон тэтгэвэр нэмсэн байх учиртай. Гэвч Засгийн газар, ажил олгогч ,үйлдвэрчний эвлэл хэлэлцээрийн ширээнд сууж эдгээр амлалтыг тодорхой хугацаанд хойшлуулсан юм.

Ингэхдээ төрийн албан хаагчийн бодит орлогыг нэмэгдүүлэх үүднээс жилд олгох 300 мянган төгрөгийн урамшуулал олгохоор тогтсон. Шаардлагатай 55.4 тэрбум төгрөгийг тусгасан. Харин одоо энэ урамшууллыг хэзээнээс олгож эхлэх болон ямар журам баримтлах вэ гэдгээ тогтоох учиртай гэж МҮЭХ Засгийн гаарт шахаж байна.

МҮЭХ-ны Ерөнхийлөгч Х.Амгаланбаатар: 2018 оны 2-р улиралд багтаан нийгмийн зөвшилийн талууд төрийн албан хаагчдын цалин нэмэгдүүлэх асуудлаар нэмэлт хэлэлцээр байгуулна гэсэн заалтыг үндэсний хорооны хуралдаанаар ойрын хугацаанд ярилцаж, хэлэлцээрийг эхлүүлж, хэдийнээс хэдэн хувиар ямар хэлбэрээр төрийн албанд ажиллагсадын цалин хөлсийг нэмэгдүүлэх вэ гэдэг хэлэлцээрээр хүлээсэн үүргээ тодорхой болгох ёстой.