НИТХ авто замын ачааллыг бууруулах зорилгоор “Нийтийн тээврийг хөгжүүлэх ”  төслийг  хэрэгжүүлж эхлэх тухай асуудлаар өнөөдөр хэлэлцлээ.

Төслийн хүрээнд тусгай замын автобус зорчдог  орчныг бүрдүүлэх юм байна.

НИТХ-ын дарга С.Амарсайхан:  Одоо ашиглагдаж байгаа автобуснууд ашиглалтаас гарахгүй.  Тусгай замын автобус гэдэг нь хөдөлгөөний саад бэрхшээлгүйгээр тусгай зогсоолууд дээрээ зогсоод , цаг минутаараа явна. Энэ нь нийтийн тээврийн салбарт шинэ бөгөөд нэмэгдэл тээврийн хэрэгсэл болно.

Тусгай замын автобус ашиглалтад орсноор  замын хөдөлгөөний ачаалал 20-30 хувь буурах юм байна.