Онон голын сав газарт алт олборлох лиценз олгож,  ухаж эхэлсэнд нутгийн иргэд эсэргүүцсээр байгаа юм. Өчигдөр Хэнтийн аймгийн нутгийн зөвлөлөөс   “Онон гол ба уул уурхай” сэдэвт уулзалтыг зохион байгууллаа.

УИХ-ын гишүүн Л.Оюун-Эрдэнэ: Шуналаасаа татгалзах хэрэгтэй. Бид их эзэн Чингис хаан гэж цээжээ дэлдэн ярьдаг. Тэгвэл түүхэнд тэмдэглэгдсэн нууц товчооны дурсгалтай холбоотой газруудыг Төрийн тусгай  хамгаалалтад авах ёстой.