Эмэгтэйчүүдийн дунд зонхилон тохиолддог өвчлөлүүдийн дунд умайн хүзүүний хорт хавдар дээгүүр байр эзэлж байна. Тус өвчнөөс урьдчилан сэргийлэх  зорилгоор Эрүүл мэндийн салбарын мэргэжилтнүүд өчигдөр  уулзаж зөвлөлдлөө.

Эрүүл мэндийн сайд Д.Сарангэрэл: Жилд 400 гаруй эмэгтэй умайн хүзүүний хорт хавдраар өвчилж байна. Үүнээс 160 гаруй нь амь насаа алддаг. Ийм харамсалтай тоо бидэнд байна. Тиймээс  үүнийг засаж залруулах чиглэлд бид ажиллах ёстой. Манай  улс халдварт бус өвчинтэй болон хавдартай тэмцэх үндэсний хөтөлбөртэй.