2018.05.24

Д.Тэрбишдагва: Засгийн газар Ш.Солонгын хэмжээний дэд даргаа олж тавиарай

Монгол Улсын Үндсэн хуулийн Жаран тавдугаар зүйлийн 1 дэх хэсэгт “Үндсэн хуулийн цэц нь есөн гишүүнээс бүрдэнэ. Тэдгээрийн гурвыг Улсын Их Хурал, гурвыг Ерөнхийлөгч, гурвыг Улсын дээл шүүхийн санал болгосноор Улсын Их Хурал зургаан жилийн хугацаагаар томилно” гэж заажээ. Энэ дагуу УИХ-аас Ш.Солонгыг Үндсэн хуулийн цэцийн гишүүнээр томилох санал болгож, асуудлыг хэлэлцсэн юм.

УИХ-ын гишүүн Д.Тэрбишдагва: 

 Ш.Солонго бүх Засгийн газарт ажиллаж байсан туршлагатай. Цэцэд очоод сайн ажиллаарай. Засгийн газарт Ш. Солонгын оронд туршлагатай сайн хүн авч ажиллаарай. Өнөөдрийн Засгийн газрын үйл ажиллагаанд Ш.Солонго шиг туршлагатай хүн хэрэгтэй байгаа. Ш.Солонгын хэмжээний дэд даргаа олж тавиарай.