Эрдэнэт үйлдвэрийн асуудал дээр Арбитрын шүүхэд Монголын тал ялагдсаны улмаас 105 сая долларын төлбөрт ороод буй. Энэ төлбөрийг хэрхэн, яаж төлөх вэ гэдэг асуудал маргаантай байгаа энэ үед "ЖАСТ"-ын Батхүүгийн бусдад шилжсэн хөрөнгийг хурааж, борлуулах замаар улсын үйлдвэрийг хохиролгүй болгох ёстой гэсэн байр суурийг гишүүд илэрхийлж байна. 

УИХ-ын гишүүн С.Эрдэнэ: Сөрөг хүчний хувьд одоогоос бараг 2 жилийн өмнө энэ асуудлыг УИХ-ын чуулган дээр ярьж байсан. Олон улсын Арбитрын шүүх гэдэг бол аль нэг жижиг улсын луйварчдад залилуулж, мэхлүүлээд сууж байдаг шүүх биш. Бид дуртай ч, дургүй ч төлөх үүрэгтэй. Монголын төр луйварчдын тавьсан өрийг арилгах гэж татвар төлөгчдийн мөнгийг үрсээр суух ёсгүй.