Монгол Улсын Үндсэн Хуульд нэмэлт, өөрчлөлт оруулах тухай хуулийн төслийн талаар иргэд олон нийттэй хийх уулзалт, хэлэлцүүлгийг 6 дугаар сарын 29 ны өдөр УИХ-ын гишүүн Н.Учрал сонгогдсон тойрогтоо зохион байгуулж 600 гаруй хүнийг хамрууллаа.

Иргэд олон нийтийн дийлэнх нь уг төслийг дэмжиж байгаагаа илэрхийлж байна.  Хуулийн төсөлд ирсэн санал хүсэлтийг албан ёсоор УИХ-д хүргүүлэх болно.

Монгол улсын 1992 онд батлагдсан Үндсэн хуулинд 2000 онд УИХ-аас хоёр нэмэлт, таван өөрчлөлт хийсэн нь олон нийтэд “Дордуулсан долоон өөрчлөлт” гэж шүүмжлэгдэх болсон билээ. Тэгвэл энэ удаагийн Үндсэн хуулинд орж буй нэмэлт өөрчлөлтөөр энэхүү “Дордуулсан долоон өөрчлөлт”-ийг буцааж 1992 оны анхны заалтыг сэргээх. засч сайжруулж байгаа юм.

• УИХ-ын зарим хэтийдсэн эрх мэдлийг хязгаарлаж, хариуцлагын өндөрсгөнө. Давхар дээлийг тайлна.
• Үе үеийн УИХ-ын үйл ажиллагааны нэгэн шүүмжлэл дагуулсан асуудал нь гишүүн бусдын өмнөөс санал өгөх, чуулганы хуралдааныг таслах явдал байсан.
• Засгийн газрын тогтворт байдлыг хангаж, хариуцлагын механизмыг тодорхой болгоно. Жич: 1992-2016 он хүртэл нийт ЗГ 13 удаа солигджээ. Монгол улсын ЗГ дунджаар 1,8 жилийн настай байна.
• УИХ-ын чуулганы хугацаа хавар, намар тус бүр 50 хоног байсныг 75 болгон нэмнэ.
• Улс төрийн намууд өөрт ашигтай байдлаар сонгуулийн хуулийг өөрчилдөг явдлыг хална. Мөн хөрөнгө орлогын эх сурвалж, санхүүгийн ил тод байдлыг сайжруулснаар хариуцлага нэмэгдэнэ.
• Ерөнхийлөгчид нэр дэвших шалгуурыг өндөрсгөх, бүрэн эрхийн хугацааг нэмэх
• Байгалийн баялгаас тэгш, шударгаар хүртэх зарчим. Иргэд уул уурхай, байгалийн баялгаас ашиг хүртэх нөхцөл бүрдэнэ гэсэн үг.
• Сумын Засаг даргыг иргэд сонгоно. Төлөөллийн ардчиллыг бий болгоно.
• Яамдын тоог тогтоож өгснөөр төрийн аппаратын данхар бүтцийг цэгцэлж, оновчтой зөв бүтэц үүсгэн, төсвийн зардлыг бууруулна.
  Шүүхийн улс төрөөс хараат бус байдлыг хангаж, шүүгчдэд хариуцлага хүлээлгэдэг болно.

Хэлэлцүүлэг СХД-ийн 18-р хорооны иргэд 11:00 цагаас 12-р сургуулийн Хөл-бөмбөгийн талбайд, СХД-ийн 19-р хорооны иргэд 13:00 цагаас Хорооны байрны урд талын 3х3 Сагсан -бөмбөгийн талбайд, СХД-ийн 27-р хорооны иргэд 15:00 цагаас Орчлон хорооллын талбайд, СХД-ийн 29-р хороо 17:00 цагаас Москва хорооллын Кремль СӨХ-ны талбайд тус тус боллоо.