Бяцхан Обамаг гей эр өсгөжээ
Тэрбээр “Барри жаахан байсан. Тиймээс би эмэгтэй хү¬ний хувцас өмссөн үедээ түүнд харагдахгүйг хичээдэг байлаа.- Нэг удаа цэргүүд түүнийг болон трансвестит най¬зуудыг нь зодож, нэгийг нь хөнөөжээ. Үүнээс хойш Эви өөрийн бэлгийн чиг ханд¬лагыг нуудаг болсон аж.
Америкийн Ерөнхийлөгч Барак Обамаг трансвестит хүн өсгөсөн гэнэ. Эл явдал Обамаг ээж, хойд эцэгтэйгээ Индонезид амьдарч байхад болжээ. Энэ талаар “The Jakarta Globe” сонинд бичжээ. Америкийн сэтгүүлчид Индонезиос АНУ-ын Ерөнхийлөгч Барак Обамагийн асрагчийг олсон байна. Өдгөө 66 настай Эви хэмээх энэ трансвестит эр арай ядан амь зууж амьдардаг бөгөөд өөрийн бэлгийн чиг хандлагыг нууж явдаг аж.
Обамагийн ээж Индонезид амьдарч байхдаа 1969 онд Эвийг хөлсөлж авчээ. Эви хоол хийх авьяастай учраас тэднийд тогоочоор ажиллаж байгаад тун удалгүй найман настай Баракийг асардаг болсон байна. Тэр үед Баракийг бүгд л “Барри” гэж дууддаг байсан гэнэ.
Эви Обамаг тоглуулж, зугаацуулахын зэрэгцээ сургуульд нь хүргэж өгч, авдаг байв. Зарим орой Эви эмэгтэй хүний хувцас өмсөөд, гадуур зугаалдаг байжээ. Гэхдээ түүнийг ийм байдалтай байхыг бяцхан Обама огт харж байгаагүй хэмээн Эви баталж байна.
Тэрбээр “Барри жаахан байсан. Тиймээс би эмэгтэй хүний хувцас өмссөн үедээ түүнд харагдахгүйг хичээдэг байлаа. Гэхдээ тэр нэг удаа ээжийнх нь уруулын будгаар будаж байгааг хараад, барьж билээ” хэмээн ярьсан байна. Обамагийн гэр бүл нутаг буцахад Эви найз залуугийндаа нүүж ирэв. Гэвч гурван жилийн дараа тэд салж, Эви биеэ үнэлж амьдрахаас өөр аргагүй болжээ. “Би уг нь үйлчлэгчээр ажиллахыг хүссэн боловч хэн ч намайг ажилд аваагүй. Тиймээс байр, хоолныхоо мөнгийг төлөхийн тулд ингэхээс өөр арга байгаагүй” хэмээн Эви ярьжээ.
Нэг удаа цэргүүд түүнийг болон трансвестит найзуудыг нь зодож, нэгийг нь хөнөөжээ. Үүнээс хойш Эви өөрийн бэлгийн чиг хандлагыг нуудаг болсон аж. Тэрбээр өдгөө өргөн жинс, цагаан футболк л өмсдөг болжээ. Эви борчуудын хороололд ядуу урцанд амьдарч, хиртэй хувцас угаан амь зууж байна.
Эви өөрийнх нь асарч, хүмүүжүүлсэн хүн АНУ-ын Ерөнхийлөгч, дэлхийн хамгийн нөлөө бүхий хүн болсныг хэрхэн мэдсэнээ ийнхүү дурсаж байна. Эви “Би нүдэндээ ч итгээгүй. Одоо хүмүүс намайг өөдгүй амьтан хэмээн дуудах юм бол би шууд л “Гэхдээ би АНУ-ын Ерөнхийлөгчийн асрагч байсан хүн” гэж хэлнэ” хэмээжээ. Дашрамд дурдахад, Цагаан ордон Барак Обамагийн асрагчийн талаар ямар нэгэн тайлбар хэлэхээс татгалзсан байна.
