Монгол хүний бие, амьдрал, орчинд тохирсон эрүүл мэндийн хөтөлбөр хэрэгжүүлнэ
УИХ-ын 2024 оны ээлжит сонгуульд МАН-аас жагсаалтаар #6 нэр дэвшигч Харвардын Их Сургууль Профессор, судлаач багш Даваасамбуугийн Ганмааг танилцуулж байна.
Д.Ганмаа нь Хүний их эмч мэргэжилтэй. Анагаах ухааны салбарт нийгмийн эрүүл мэндийн чиглэлээр АУ-ны доктор цолтой. Ажлын гараагаа Улсын нэгдүгээр эмнэлэгт Асрагчаар эхэлсэн бөгөөд Цэргийн төв эмнэлгийн Мэдрэлийн тасагт Хүний их эмчээр ажиллаж байсан. Одоо АНУ-д Бригхам болон Эмэгтэйчүүдийн эмнэлэгт Архаг өвчлөлийн тархавар судлаачаар ажилладаг. Мөн Харвардын Анагаах ухааны их сургуульд Үндсэн багш, Профессороор ажиллаж байгаа юм.
Д.Ганмаа
Монгол Улсад 2004 оноос эхлэн эрдэм шинжилгээ, судалгааны нэгж байгуулан тасралтгүй олон төрлийн судалгаа, эрдэм шинжилгээний үйл ажиллагаа явуулсаар ирсэн.
Энэ хугацаанд хэрэгжүүлсэн томоохон хөтөлбөр, ажлуудаас нь дурдвал, “Сүрьеэгүй монгол” хөтөлбөрийг хэрэгжүүлж сүрьеэ өвчний халдварыг бууруулах, ханиад, амьсгалын замын хурц халдварт өвчний үед хүн өөрийгөө хэрхэн авч явах, урьдчилан сэргийлэх тухай судалгаа, шинжилгээ хийсэн бөгөөд үр дүнгүүдийг гаргаад байна.
Цаашид хамтарсан судалгааны багууд байгуулж, гадаад, дотоод болон Харвардын судлаачидтай хамтарч монгол хүний биеийн онцлог, амьдралын хэв маягт тулгуурлан монголчуудад тохирох үр дүнг гаргах судалгаа, шинжилгээний ажлуудыг хийх зорилго, хүсэл, мөрөөдлийг тээн өөрөө болон багийнхантайгаа хамтран хийж хэрэгжүүлэхээр зорьж байгаа аж.
Сэтгүүлч
Редактор Ц.Соёлмаа soko@vip76.mn
