УИХ-ын 2024 оны ээлжит сонгуульд МАН-аас жагсаалтаар #23 нэр дэвшигч Доктор Чоймаагийн Лодойравсалыг танилцуулж байна.

Чоймаагийн Лодойравсал нь МУИС-ийг Электроникийн инженер, багш мэргэжлээр бакалавр, магистр, докторын зэрэгтэй төгссөн. Тэрээр докторын сургалтаа ХБНГУ-ын эрдэмтэн солилцооны байгууллагын “Сэндвич” хөтөлбөийн дагуу хамтарсан сургалтаар сурч төгссөн юм.

1998-2001 онд MCS группт ажилласан. Эрчим хүч болон уул уурхайн салбарт автоматжуулалтын төслүүд дээр ажиллаж байсан. Тухайлбал, Чойбалсан хотын Дулааны цахилгаан станцын автоматжуулалт, Эрдэнэт УБҮ-ийн Баяжуулах секцийн автоматжуулалтын удирдлагын системийг хийж гүйцэтгэсэн байна.

Ч.Лодойравсал

2001 онд МУИС-д багшаар ажиллаж эхэлсэн бөгөөд түүнээс хойш тэнхимийн эрхлэгч, декан, МУИС-ийн Дэд захирлаар ажиллаж байгаад 2021 оноос Монгол Улсын Ерөнхийлөгчийн Боловсрол, шинжлэх ухаан, технологийн бодлогын зөвлөхөөр ажиллаж байна.

Тэрээр боловсрол, технологийн салбарт ажиллахаас гадна хүүхэдзалуучуудын “Робокон” залуу зохион бүтээгч нэвтрүүлэг, “Инновацын эзэд” нэвтрүүлэгт хамтран ажиллаж, хэрэгжүүлсэн. Мөн Монголын Улсын Ерөнхийлөгчийн санаачилсан “Ерөнхийлөгчийн илгээлт 2100” тэтгэлэгт хөтөлбөрийг хариуцан ажиллаж байгаа юм.

Техникийн ухааны доктор Чоймаагийн Лодойравсал 20 орчим эрдэм шинжилгээний өгүүлэл туурвиж дотоодын төдийгүй гадаадын нэр хүндтэй сэтгүүл, эрдэм шинжилгээний хуралд илтгэл тавьжээ. Тухайн улсын хөгжлийн хамгийн чухал хэсэг нь шинжлэх ухааны салбар байдаг гэдэгтэй санал нийлэхгүй хүн ховор биз ээ. Монголын Шинжлэх ухааны салбарын ТОД төлөөллийн нэг Ч.Лодойравсал МАН-ын жагсаалтаар УИХ-ын сонгуульд нэр дэвшиж, өөрийн мэдлэг, туршлагаа хууль тогтоох дээд байгууллагад ажиллан, хувь нэмрээ оруулахаар зорьж байна.

Шинжлэх ухаанд суурилсан хөгжлийн бодлогыг хэрэгжүүлнэ