Эритрей улсыг«Африкийн Хойд Солонгос» хэмээн хочилдог. Энд хүмүүсийн шилжилт хөдөлгөөн хийх эрхийг хязгаарласан болохоор дэлхийн хамгийн хатуу диктатуртай орны тоонд оржээ. «Хил хязгааргүй сэтгүүлчид» группийн шинжээчдийн тэмдэглэснээр тус улс үг хэлэх эрх чөлөөгөөрөө дэлхийн 179 орны сүүлээсээ нэгд бичигдэж буй нь Хойд Солонгосоос ч дор гэсэн үг юм.Энэ улсын нэг ч иргэн найзындаа очиж, өдрийн хоол идэж болохгүй.

Хэрвээ үдийн зоогонд гурван өөр гэр бүлээс гаралтай зочид ирсэн байвал тус улсын захиргаа үүнийг хурал цуглаан гэж үздэг. Тиймээс тусгай зөвшөөрөл авах ёстой байдаг аж. Үүнээс гадна хөрш тосгон руугаа тусгай зөвшөөрөлгүйгээр аялахыг ч хориглоно.Алгын чинээ цаасан дээр дуу бичихийг оролдвол засгийн эсрэг суртал ухуулга хэмээн үздэг. Үүнийхээ төлөө шоронд ч сууж болзошгүй гэнэ.Тус улсын хамгийн хатуу дэглэмийн нэг нь иргэн бүр 18-55 нас хүртлээ цэргийн алба зайлшгүй хаах ёстой гэж хуульчилсан явдал. Үүний улмаас олон хүн улс орноосоо дүрвэхэд хүрчээ.

Израиль дахь «Amnesty In ternational» байгууллагын нэгэн төлөөлөгч «Энэ улсын хүн амын дундаж наслалт 61-62 гэсэн тооцоо бий. Тэгэхээр ард түмэн нь амьдралынхаа бүхий л үеийг армид өнгөрөөдөг болж таарч байна. Тэд хүнд хөдөлмөр эрхэлж, өчүүхэн цалин авдаг» хэмээн тэмдэглэжээ. Мөн армиас оргож, өөр улруу дүрвээд, дараа нь эргэж ирвэл Эритрейн дэглэмийг эсэргүүцэгч хэмээн үздэг талаар Израилийн «Цагаач ажилчдад зориулсан утас» байгууллагын ажилтан Сигаль Розен мэдэгдсэн байна. Тэрбээр армид 10 жил алба хаагаад оргосон эмэгтэйчүүдтэй уулзжээ.

Бүсгүйчүүд Эритрейн армидаа үлдвэл хэзээ ч гэр бүлтэй болж, үр хүүхэд төрүүлж чадахгүй тул оргосон аж. Үүнээс гадна Эритрейн армийн офицерууд өөрсдийнх нь удирдлаган дор алба хааж буй эмэгтэйчүүдтэй секс хийх эрхтэй байдаг гэнэ. «Үүнийгээ тэд хүчирхийлэл гэж үздэггүй» хэмээн Розен ярьсан байна.

33 настай Эммануэль гэгч эр Эритрейн зэвсэгт хүчинд 12 жил алба хаажээ. Гурван жилийн өмнө тэрбээр улс орноосоо дүрвэж, өдгөө Израильд эхнэртэйгээ хамт амьдардаг. Гэвч оргохдоо Эритрей улсад хоёр хүүхдээ аргагүйн эрхэнд үлдээжээ. Армид алба хаах хугацаандаа гурван удаа шоронд орсон. Сүүлчийн удаа тэрбээр «Цэргүүдэд хэтэрхий бага амралт олгож байна. Тэд эх орноо хамгаалахын оронд өөрсдийн командлагчдынхаа байшинг бариад сууж байна» хэмээн гомдоллосон шалтгаанаар хоёр жилийг нарсанд өнгөрөөжээ. Шоронд байхад нь түүнийг өдөрт нэг удаа хооллож, сард нэг удаа усанд оруулдаг байсан аж.Эммануэль «Тэндхийншорон нь газар доорообайрладаг. Юм ярихын тулд хамгаалагчдаас зөвшөөрөл авах шаардлагатай. Ингэхгүй бол зодож, хүлнэ. Хоригдлуудыг чихрийн сиропоор тарьж, дараа нь гадаа хаядаг. Тэнд жоом, шоргоолж үй түмээрээ бэлчдэг» хэмээн ярьж байна. Тэрбээр Израильд олсон ажлаа хаяж, шоронд суухад ч бэлэн гэнэ.

Хамгийн гол нь түүнийг Эритрей рүү буцаахгүй байх нь л чухал. Тэрбээр эх орондоо амьдарснаас тамд байхыг илүү дээр гэж үздэг. Зүүн Африкийн энэ орныг cap бүр 3000 шахам хун орхидог. Израильд л гэхэд энэ улсаас 40 мянган хүн дүрвэж иржээ. Гэхдээ тэдний хэд нь ажил хайж ирсэн, хэд нь улс орноосоо дүрвэсэн нь тодорхой бус. НҮБ-ын саяхны нэгэн баримтад дурьдсанаар дэлхийн бусад оронд цагаачлал хүссэн Эритрей улсын нийт иргэдийн 84 хувь нь улстөрийн орогнол авах эрх бүхий дүрвэгсэд аж. Эритрей улсын иргэд НҮБ-ын хамгаалалтад байдаг. Тиймээс тэднийг эх орон руу нь буцааж болдоггүй юм байна.

Гэтэл Израилийн Дотоод хэргийн сайд Эли Ишай Израиль. Египетийн хил дээр саатуулагдсан Эритрейн 21 иргэнийг улс орондоо тавихыг хоригложээ. Харин «Цагаач ая дад зориулсан утас» байгууллагын ажилтан I «Эритрейн цагаачдыг орон руу нь буцаахгүй байж, Израиль тэдэнд тодорхой эрх олгох хэрэгтэй» хэмээн засаг захиргаандаа уриал-сан байна. Тэрбээр энэ асуудалдаа Сирийн дүрвэгсдийг орогнуулж буй Турк улсаар жишээ татжээ.