Иргэд, олон нийтэд 'E-Mongolia' системийг танилцуулах, уг системээр дамжуулан өөрт хэрэгтэй үйлчилгээг хэрхэн, яаж авах талаар тодорхой ойлголт өгөх зорилгоор "E-Mongolia" нээлттэй хаалганы өдөрлөгийг зохион байгууллаа.  

Өнөөдрийн нээлттэй хаалганы өдөрлөгт Улсын бүртгэлийн ерөнхий газар, Хөдөлмөр халамжийн үйлчилгээний ерөнхий газар, Голомт банк, Tridum Key-Цахим гарын үсэг, Монсүү хүүхдийн сүүний үйлдвэр зэрэг байгууллагууд оролцлоо.  

Өдөрлөгт, Нийслэлийн улсын бүртгэлийн газрын Сүхбаатар дүүрэг дэх Улсын бүртгэлийн хэлтэс оролцож иргэдэд улсын бүртгэлтэй холбоотой мэдээ мэдээлэл, зөвлөгөөг өгч, зарим төрлийн лавлагаа үйлчилгээг үзүүлэв.   

Тодруулбал, 16 нас хүрч иргэний үнэмлэх анх удаа авч байгаа болон 25, 45 насны иргэний үнэмлэхийн сунгалт хийлгэх иргэдэд иргэний шинэчилсэн бүртгэлийн үйлчилгээ, гадаад паспорт олголтын бүртгэл, иргэний улсын бүртгэлийн гэрчилгээний дахин олголтын үйлчилгээг үзүүллээ. Түүнчлэн эд хөрөнгийн эрхийн улсын бүртгэлийн газар өмчлөх эрхийн улсын бүртгэл, газар эзэмших эрхийн бүртгэл, хувийн сууц, хашаа байшин бүртгүүлэх, өв залгамжлалын тухай, газрын цахим бүртгэл, эд хөрөнгөтэй эсэх болон эд хөрөнгийн лавлагаа, бусдын газар дээр баригдсан барилга барих, түрээсийн гэрээний асуудлаар, Хуулийн этгээдийн эрхийн улсын бүртгэлийн оноосон нэр шүүж баталгаажуулалт хийн иргэдэд хуулийн этгээдийн эрхийн улсын бүртгэлтэй холбоотой зөвлөгөө, мэдээллийг тус тус өгч ажиллалаа.