АНУ-ын “Флагстафф интернейшнл релиф эффорт” төрийн бус байгууллага, Монгол Улсын ЭМЯ хооронд хамтран ажиллах гэрээнд Эрүүл мэндийн дэд сайд Ж.Цолмон, тус төрийн бус байгууллагын төлөөлөгч Мередит Поттс нар 2009 оны арваннэгдүгээр сарын 24-ний өдөр гарын үсэг зурлаа.

Гэрээний дагуу АНУ-ын “Флагстафф интернейшнл релиф эффорт” төрийн бус байгууллага Монгол Улсын эрүүл эмндийн салбарт эмч, эмнэлэгийн ажилтнуудын дунд цусаар дамжих халдварын тархалтын талаар судалгаа явуулж, эмнэлэгийн ажилтнуудыг гепатит Б вирусын вакцинжуулалтад хамруулах, Гэмтэл согог сэргээн заслын эрдэм шинжилгээний төв болон хөдөө орон нутгийн эрүүл мэндийн байгууллагуудад гэмтэд согог заслын нөөц чадавхийг бэхжүүлэх, эмнэлэгийн хаягдлын менежментын чадавхийг бэхжүүлэх, мэдлэг мэдээллийг дээшүүлэх тал дээр шинэ туршлага нэвтрүүлэх ажлыг хийх юм.