УИХ-ын гишүүн, УИХ дахь Монгол-Ази, Номхон далайн бүс нутгийн орнуудын парламентын бүлгийн дарга Д.Загджав тэргүүтэй Монголын парламентын төлөөлөгчид БНХАУ-ын Хятадын ард түмний гадаадтай харилцах найрамдлын нийгэмлэгийн урилгаар энэ сарын 7-11-ний өдрүүдэд БНХАУ-д айлчлахаар явлаа.


Тус бүлгийн гишүүн, Байгаль орчин, хүнс, хөдөө аж ахуйн байнгын хорооны дарга Б.Батбаяр, УИХ-ын гишүүн Х.Жекей, Д.Очирбат, Ж.Энхбаяр нар төлөөлөгчдийн бүрэлдэхүүнд багтжээ.
Монголын парламентын төлөөлөгчид айлчлалынхаа хугацаанд Бүх Хятадын Ардын Төлөөлөгчдийн Их Хурал дахь Хятад-Монголын найрамдлын нийгэмлэгийн дарга Жан Дэлинь болон тус бүлгийн удирдлагууд, Шанхай хотын найрамдлын нийгэмлэгийн дарга Ван Шаошу нартай уулзахаас гадна Чаошин корпорацийн үйл ажиллагаатай танилцаж, Шанхай хотод зочлох юм байна.