Эл нийтлэлийн мөрөөр Анкара дахь Монгол Улсын ЭСЯ “Ийм яриа хэлэлцээ явагдаагүй, энэ нь ор үндэсгүй мэдээлэл болно” гэсэн тайлбарыг Туркийн телевиз, сонин хэвлэлд мэдэгдэж байгаа.

Мөн Туркд ийм ташаа мэдээ гарсанд харамсаж, энэ нь хоёр орны найрамдалт харилцаанд нөлөө үзүүлэх ёсгүй гэж үзэж байгаа бөгөөд уг агуулга бүхий мэдээг чухалчлан авч үзэхгүй байх хэрэгтэй тухай Туркийн ГХЯ-ны албан ёсны мэдэгдлийг Улаанбаатар дахь БНТурк Улсын ЭСЯ 23-нд ГХЯ-нд гардуулав.

Үүний зэрэгцээ сэтгүүлч Жалэ Өзгэнтүрк “Реферанс” сонины 2010.01.22-ны өдрийн дугаарт уучлал гуйсан зүйл нийтлүүлсэн байна. Түүнээс нь товчлон танилцуулбал “Би олон жил сэтгүүлчээр ажиллахдаа анх удаа цахим шуудангаар ийм олон эсэргүүцэл хүлээж авлаа. Би монголчуудыг гомдооё гэж хүсээгүй, тэгж яваагүй. Хэрэв гомдоосон бол уучлалт гуйж байна” гэжээ.

Жич: Тухайн улсын Элчин сайдын яамны мэдэгдэл Засгийн газрын байр сууриа төлөөлдөг. Өөрөөр хэлбэл, Засгийн газрын байр суурийг Элчин сайдын яам төлөөлж мэдэгдсэн тул үүнээс өөрөөр тайлбар нэхэх, нөгөө нь хийх шаардлага байдаггүй.