Нэгдсэн Үндэстний Байгууллагаас Монгол Улсын цар тахлын үеийн 2 жилийн хугацаанд боловсролын салбартаа авч хэрэгжүүлсэн үйл ажиллагааг үнэлж, боловсролын цахим шилжилтийг амжилттай хэрэгжүүлсэн шилдэг 9 улсын нэгээр нэрлэсэн нь түүхэн үйл явдал байлаа.

Хүүхэд бүрийг цэцэрлэгт хамруулах Улсын Их Хурал, Засгийн газрын бодлого, шийдвэр биеллээ оллоо.
Мэдлэ.мн платформыг үүсгэж 3000 гаруй хичээлийн сантай болсон бол анхны 10,000 хүүхэдтэй Виртуал сургууль үйл ажиллагаагаа эхлүүллээ.
Суралцагч, багш, байгууллагаа үнэллээ. Гүйцэтгэл сайтай багш, байгууллага, орон нутгийн боловсролын байгууллагууд урамшуулал авч эхэллээ.
Хичээл практикийн, тасралтгүй хөгжлийн, цахим хэрэглээний, эмчилгээ оношилгооны зардалтай боллоо. Байгууллагын төсөв санхүүгийн бие даасан байдал нэмэгдсэн.
Төрийн өмчийн 6 их сургуулийн хамтын ажиллагааг эхлүүлж, 1086 хөтөлбөрийг хасаж, чанаргүй их дээд сургуулиудыг цөөлөв.
Мэргэжлийн боловсролын салбарыг эргэн нэгтгэж, Мэргэжлийн боловсрол, сургалтын байгууллагын хуулийн төслийг УИХ-аар хэлэлцүүлэхээр дэмжүүлэв.
Зээлийн сангийн журмыг шинэчилж, Еөрнхийлөгч, Ерөнхий сайдын тэтгэлгүүд хэрэгжиж байна.
Модон жорлонг халах суурь тавигдаж, 175 объектыг ашиглалтад хүлээн авлаа.
3 сургууль тутмын нэг нь сэтгэл зүйчтэй болж, Үдийн цайг Үдийн хоол болгов. PISA олон улсын үнэлгээнд хамрагдаж, ЭЕШ-ыг 2 удаа зохион байгуулдаг боллоо. Сурлагын хоцрогдол судлагдахуун тус бүр дээр 7-30 хүртэл хувиар нөхөгдсөнийг БҮТ-ийн гүйцэтгэлийн үнэлгээ харуулав.

Цар тахлын үеийн 2 жилийн хугацаанд боловсролын салбарт хэрэгжүүлсэн үйл ажиллагааг НҮБ-аас үнэллээ