УИХ-ын намрын чуулган завсарласан үеэр УИХ-ын гишүүн Ж.Алдаржавхлан тойрогтоо эхлүүлсэн ажлынхаа үр дүн, явц хэрэгжилттэй танилцан ажиллаж байна.

Тухайлбал, тэрбээр Хан-Уул дүүргийн 23 дугаар хороонд шинээр баригдаж буй 960 хүүхдийн шинэ сургуулийн барилга угсралтын ажлын явцтай танилцав.

23 дугаар хороонд улсын нэг ч сургууль байхгүйн дээр Байгаль орчны яамнаас сургуулийн газар шийдвэрлэж өгөхийг удаа дараа хүсэлт гаргасан ч шийдэгдэлгүй байсаар иржээ. Иймээс тэрбээр дүүргийн засаг даргаар ажиллаж байх хугацаандаа хувийн хэвшилтэй хамтран газрын асуудлыг шийдвэрлэн, санхүүжилтийг төсөвт суулгаснаар сургуулийн барилга угсралтын ажил эхэлсэн юм.

Цаашид ХУД-ийн 23-р хороонд 240, 150 хүүхдийн цэцэрлэг шинээр баригдах бөгөөд төсөвт суугдсан гэдгийг тэрбээр хэллээ. Иргэд улсын сургууль цэцэрлэг баригдаж буй мөн Яармагийн зэвтэй усны асуудлыг шийдвэрлэж өгсөнд талархал илэрхийллээ.

УИХ-ын гишүүн Ж.Алдаржавхлан:

УИХ-ын чуулганы хугацаанд 3 хуулийг санаачлаад ЗГ-т хүргүүлсэн байна. Тухайлбал, Хот байгуулалтын тухай хуульд өөрчлөлт оруулах буюу хотхон, хороод заавал улсын сургууль, цэцэрлэгтэй байх ёстой. Гол мөрний ай, сав газраас ашигт малтмалыг хориглох тухай хуулийг санаачлаад өргөн барив. Цаашилбал СӨХ болоод конторын хуулийг өөрчилнө гэсэн бодолтой байна.

Ж.Алдаржавхлан гишүүн тойрогтоо эхлүүлсэн ажлынхаа үр дүн, хэрэгжилттэй танилцан ажиллав