УИХ-ын чуулганы /2025.06.27/-ны өдрийн үдээс хойшх хуралдаанаар 2025 оны төсвийн тодотголыг яаралтай горимоор хэлэлцэж эхэллээ. 

Хэлэлцэж буй асуудалтай холбогдуулах УИХ-ын гишүүн Т.Мөнхсайхан асуулт асууж, байр илэрхийллээ

Эрүүл мэнд, боловсролын салбараасаа хасалт хийхгүй гэж байгаад баяртай байна. Гэхдээ бодит байдал дээр өөр байгаад байна. Эмч эмнэлгийн ажилчдаас цомхотгол хийхгүй гэсэн боловч эмч, сувилагч, эмнэлгийн мэргэжилтнээс, бусад мэргэжилтнүүдээс нь 9%-ийг цомхотгоно гэж байна. Гэтэл энэ ажилтнууд чинь тухайн байгууллагын бараг 20 хүрэхгүй хувийг эзэлдэг. Олдоц муутай. Энэ мэргэжлээс нь 9%-аа хасчихаар эргээд эмнэлгийн үйл ажиллагаа доголдоход бүр их сөрөг нөлөө үзүүлнэ. Тэгэхээр энэ тоо баримт энэ асуудлуудыг Эрүүл мэндийн сайд, Сангийн сайдад сайн ойлгуулсан уу? Нийт албан хаагчдын тооноос 9% тэгээд эмнэлгийн биш ажилтан хасна гэх юм бол бараг  эмч, сувилагч, эмнэлгийн мэргэжилтнээс өөр ажилтан хүрэхээргүй байгаа. Тэгэхээр энэ 9%-аа яаж тооцож хасах юм.

Хоёрдахь нь 60 тэрбум төгрөгийн хөрөнгө оруулалтыг 2025 оны төсөвт тавиулах гэж Жавхлан сайдаас маш их гуйж яг одоогийн байгаа нөхцөл байдлыг тайлбарласан. Жавхлан сайд ч энийг маш сайн ойлгож эрүүл мэндийн салбарыг дэмжиж 60 тэрбум төгрөгийн тоног төхөөрөмжийг дийлэнх хувийг нь орон нутагт нийлүүлэхээр тавьж өгсөн. 1 сарын 24-нд худалдан авах тоног төхөөрөмжийн жагсаалтыг сайдын тушаалаар батлаад гаргачихсан. 1 сарын 24-нөөс хойш худалдан авах ажиллагааг хуулийн хугацаанд хийж амжуулаагүй энэ улсуудтайгаа төрийн нарийнд худалдан авалтыг зохион байгуулж ажиллахыг үүрэг даалгавар болгосон тушаал гарчихсан. Тэгээд энэ хариуцлагагүй хандсан хүмүүстээ эрүүл мэндийн сайд хариуцлага тооцох уу? Нэгэнт ингээд хасагдсан гэж байгаа юм чинь тэр чигээр нь энийг бас бүтнээр нь хасуулчих бас хайран. Нэн зайлшгүй шаардлагатай тоног төхөөрөмжүүд байгаа 20, 30%-ийг нь ч болтугай буцааж тавьж өгөх тал дээр нь Сангийн сайд маань энэ дээр нэг анхаарч өгөөч гэж хүсэжбайна. Эрүүл мэндийн салбараас энэ 60 тэрбумын хөрөнгө оруулалтаас гадна дахиад 40 гаран төгрөгийн хасалтыг хийсэн байна. Нийт 100 гаруй тэрбум төгрөг хасчхаад байна. Өнөөдрийн бодит нөхцөл байдал хүнд байгаа. 2024 оны эцсийн байдлаар бүх өр төлбөрийг барагдуулж дууссан боловч 2025 ондэнэ хүнд нөхцөлд дахиад 43 тэрбум төгрөг хасчихаар юу болох вэ?Тэгэхээр яг нийт хэдэн тэрбум төгрөгийг эрүүл мэндийн салбараас хасалт хийгээд байна вэ?

Түүний асуултад, Сангийн яамны Хөгжлийн санхүүжлт, хөрөнгө оруулалтын газрын дарга Ж.Дэлгэржаргал, Эрүүл мэндийн сайд Ж.Чинбүрэн нар хариуллаа.