БАЯН-ӨЛГИЙ АЙМГИЙН САГСАЙ СУМЫН ХАГ БАГИЙН МАЛЧИН АХБИГИЙН БАХЫТБЕК "УЛСЫН ХОШОЙ АВАРГА МАЛЧИН ӨРХ" ЦОЛ, ТЭМДГЭЭ ГАРДЛАА.

Хошой аварга малчны цол, тэмдгийг УИХ-ын гишүүн Т.Аубакир, Б.Бейсен, С.Зулпхар, аймгийн Засаг дарга Е.Зангар болон сумын удирдлагуудын хамтаар гардуулж өглөө.
Сагсай сумын малчин А.Бакытбек нь мал аж ахуйн салбарт олон жил тасралтгүй хөдөлмөрлөж, мал сүргээ тогтмол өгсөн үржүүлж, мал сүргийнхээ ашиг шимийн гарцыг нэмэгдүүлэн ийнхүү Хошой аваргын алдрыг хүртлээ.
Буянт мал сүргээ өсгөн үржүүлж, малынхаа ашиг шим, чанарыг сайжруулан, залуу малчдад мал маллах арга ухаанаа хуваалцаж, орон нутгийнхаа хөгжилд бодитой хувь нэмрээ оруулан "Улсын хошой аварга малчин өрх"-өөр шалгарсан А.Бакытбекийн гэр бүлд эрүүл энх, аз жаргал, амжилт бүтээлийн дээдийг хүсэн ерөөе.
МОНГОЛ МАЛЫН АРВИН ЦАГААН БУЯН МӨНХӨД ДЭЛГЭРЭХ БОЛТУГАЙ.