Монголын Үндэсний Олон Нийтийн Радиогийн “Таван эрдэнэ” нэвтрүүлгийн нэрэмжит “Алтан төлийн эзэн” шагналаар Дундговь аймгийн Дэлгэрцогт сумын Алтангэрэл овогтой Эрдэнэбатыг өргөмжиллөө. Шагналыг УИХ-ын гишүүн Ц.Мөнхбат гардуулан өглөө.

"Таван эрдэнэ” нэвтрүүлгийн нэрэмжит “Алтан төлийн эзэн” шагналын гол болзол нь сүүлийн гурван жилийн төл хүлээн авсан үзүүлэлтээс гадна, сүргийн чанар бүтэц, үүлдэр угсааг нь сайжруулсан байдлыг хардаг бөгөөд Сум орон нутагтаа шинэ залуу малчин бэлтгэх, залуу малчныг ажлын байраар хангахад хэр хувь нэмэр оруулж, нийгмийн идэвх санаачилга гарган ажилласныг үнэлдэг шударга сайхан шагнал билээ.