УИХ-ын чуулганы /2025.05.16/-ны өдөр Засгийн газраас 2025 оны 4 дүгээр сарын 30-ны өдөр өргөн мэдүүлсэн Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төсөл болон хамт өргөн мэдүүлсэн тогтоолын төслийн хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Д.Энхтүвшин:

3 асуулт асууя.

Нэгдүгээрт, өртэй холбоотой. Төв банкны тухай хуулийн 38(1) заалт дээр пассив нь актив хөрөнгөөсөө хэтэрсэн тохиолдолд ЗГ үнэт цаас гаргана гэсэн заалт бий. 2024 оны Төв банкны балансыг харахаар 4,9 буюу бараг 5 их наяд, одоогийн өрийн бараг 10 хувьтай тэнцэх хэмжээний ЗГ-ын үнэт цаас гаргах ийм хуулийн заалт бий. Энэ талаар Монголбанк, Сангийн яам ямаршуу байдлаар ажиллаж байгаа вэ? Яриа хөөрөө, шийдэл гаргах явц байгаа юу?

Хоёрдугаарт, ЗГ-ын үйл ажиллагааны хөтөлбөр дээр инфляцийг 5-аас доогүй түвшинд хадгална гэсэн зорилт бий. Төсвийн хүрээний мэдэгдэл маань ЗГ-ын үйл ажиллагааны хөтөлбөртэй нийцэх ёстой. Оруулж ирсэн төслөөр харахаар 7, 6.4, 6 гэсэн байдлаар тодорхойлсон буюу 5 хувь гэсэн ЗГ-ын үйл ажиллагааны хөтөлбөрөөсөө өөр хэмжээний төсвийн хүрээний мэдэгдэл оруулж ирсэн байна. Энэ талаар тайлбар авъя.

Гуравдугаарт, ЭЗ-ийн өсөлтийг 6 хувьд байхаар төлөвлөсөн байна. Энэ дээр уул уурхайн болон уул уурхайн бус салбаруудын өсөлтийн ялгаануудыг хэдэн хувь нь уул уурхайн өсөлтөөс, хэд нь уул уурхайн бус салбарын өсөлтөөс орж ирэх вэ? Энэ талаар мэдээлэл өгөөч ээ?

Сэтгүүлч

. Б.Цэцэгсүрэн