УИХ-ын гишүүн С.Бямбацогтыг Төрийн ордны хамгаалалтын албаныхан сандаргав. Чуулганы танхимын үүдэнд суулт хийж байсан МАН-ын гишүүдийн зарим нь өрөөрүүгээ түр ороод ирэх хооронд хаалга тагласан сандлыг сахих даалгавар С.Бямбацогтод иржээ. Харин тэрбээр сандал сахих даалгавраа биелүүлэхийн сацүү телевизэд ярилцлага өгөхөөр болсон юм. Түүнийг ярьж зогсох хооронд өмнөх булангаас нь Төрийн ордны хамгаалалтын албаныхан хэд хэдээрээ гараад , ирлээ. Харин эрхэм гишүүн тэднийг хойно нь байгаа сандлыг холдуулахаар ирлээ гэж бодсон бололтой ихэд сандран "Манайхныг дуудаарай" хэмээн хашгирч, хариу эргэн гуйж байгаа харагдлаа.