Засгийн газрын үнэт цаасны хоёрдогч захын арилжаа цахим хэлбэрт шилжлээ
ЗГҮЦ-ны хоёрдогч захын арилжааг Монголбанкаар дамжуулан гүйцэтгэхээр боллоо.
2013.05.28

Засгийн газрын үнэт цаасны хоёрдогч захын арилжаа цахим хэлбэрт шилжлээ

Сангийн сайд, Монголбанкны Ерөнхийлөгчийн 2012 оны аравдугаар сарын 25-ны өдрийн 217/А161 дугаар хамтарсан тушаалаар батлагдсан “Засгийн газрын үнэт цаас гаргах, арилжаалах журам”-ын хүрээнд 2012 оны арванхоёрдугаар сарын 5-ны өдрөөс эхлэн Монголбанкаар дамжуулан анхдагч зах зээлд Засгийн газрын үнэт цаас (ЗГҮЦ)-ыг иргэн, аж ахуй нэгж байгууллага, гадны хөрөнгө оруулагчдад арилжаалах болсон.

Энэхүү ажлын хүрээнд ЗГҮЦ-ны хоёрдогч захын арилжааг Монголбанкаар дамжуулан гүйцэтгэхээр боллоо. Ингэснээр иргэн, аж ахуй нэгж байгууллага, гадны хөрөнгө оруулагчид хоёрдогч зах зээлээс ЗГҮЦ-ыг худалдан авах, худалдах боломжтой болж байгаа юм.

Түүнчлэн уг программ нь Үнэт цаасны төлбөр тооцоо төвлөрсөн хадгаламжийн төвийн сүлжээтэй холбогдсон тул ЗГҮЦ-ны хоёрдогч захын арилжааны эрхийн шилжүүлгийг программаар дамжуулан хийх бодомжтой боллоо.