Сангийн сайд С.Баярцогтоос дараах тодруулгыг авлаа.

-Үндсэн хуулийн цэцийн саналын дагуу төсөвт тодотгол хийх үүргийг УИХ-ын дарга Засгийн газарт өгсөн байгаа. Танай яам төсвийн тодотголын төслийг боловсруулж байгаа юу?

-Гишүүдийн гэх тодотголтой 76 тэрбумыг зарцуулаад эхэлчихсэн биз дээ?

-Төсөв баталсан хуулийнхаа дагуу явна. Тэгэхээр үйлчлээд л явж байна.

-Зудад нэрвэгдсэн орон нутгийнханд өвс, тэжээл гээд зарцуулалт нь өөрчлөгдөж байгаа юм биш үү?

-Тийм зүйл байхгүй. Төсвийн хуулийг зөрчиж болохгүй. Хуульд юу гэж заасан тэр дагуу л зарцуулж байгаа.

-"Айвенхоу майнз"-ынхан Оюутолгойн лицензийг "ВНР Billiton "-оос худалдаж авахдаа ордоос олох нийт орлогынхоо хоёр хувийг өгч байхаар тохирсон гэсэн. Хоёр хувийн роилтийг татварын өмнөх ашгаас хуваана гэсэн. Энэ нь Монгол Улсад орж ирэх мөнгөтэй хамаатай юу?

-Тэр хамаагүй. Угаасаа хөрөнгө оруулалтын гэрээнд тийм зүйл байхгүй. Монгол Улсын хуулиар ч зохицуулагдаагүй зүйл. Энгийнээр тайлбарлах юм бол чи хүнээс тохирчихсон. Бас "Би алттай юм худалдаж авлаа. Үнэ хөлсөө чамд өглөө. Алт гарч магадгүй, үгүй ч байж болно. Хэрэв алт гарвал надад тодорхой хувийг нь өгөөрэй" гэсэн ийм л компани хоорондын гэрээ.

-Гэхдээ Оюутолгой ХХК-ийн ерөнхий захирал Кийт Маршал хоёр хувийг татварын өмнөх ашгаас төлнө гээд байгаа шүү дээ. Тийм зүйл байгаа юм уу?

-Оюутолгойн гэрээг байгуулахдаа хийж байсан эдийн засгийн модельд "ВНР Billiton''-д төлөх хоёр хувийн роялти туссан байсан юм биш үү?

-Би л мэдэхгүй юм байна.