Шадар сайд Д.Тэрбишдагва аймаг, нийслэлийн Иргэдийн төлөөлөгчдийн хурлын дарга болон Засаг дарга нартай уулзаж,  Монгол улсын хөгжилд хөтлөх гол хүчин зүйл болох “Сахилга, хариуцлага, манлайлал”-ын талаар хөндөн ярилцсан юм.

 Монгол Улсын хөгжлийн зорилтуудыг амжилттай шийдвэрлэхэд мөнгө хөрөнгө шаардахгүйгээр үр ашгаа өгөх томоохон нөөц нь “Сахилга хариуцлага” хэмээн үзэж, 2014 оныг орон даяар “сахилга, хариуцлага”-ыг дээшлүүлэх жил болгон ажиллахаа өмнө нь мэдэгдэж байсан.

Шинэчлэлийн Засгийн газрын өөрчлөлт, шинэчлэлийн нэг гол чиглэл нь сахилга, хариуцлага, манлайллыг юуны өмнө төрийн захиргааны бүх шатны байгууллага, тэдгээрийн удирдлага, албан хаагчдын хүрээнд сайжруулах явдал чухал учраас энэхүү ажлаа өөрийн эрхэлсэн салбаруудын  нийт ажилтан, албан хаагчдын түвшинд ажил хэрэг болгохын төлөө санаачилга гарган ажиллаж эхэлсэнээ Шадар сайд энэ үеэр дуулгалаа.

Тэрээр статистик мэдээ, эрдэм шинжилгээний болон олон улсын байгууллага, төрийн байгууллагуудаас гаргасан судалгаанаас  харахад Монгол Улсад нийгмийн хариуцлага, сахилга дэг журам тун хангалтгүйдүн гарсныг тоон баримтаар хэлсэн юм.

Үүний дээр хөрөнгө, санхүү, цаг хугацааны алдагдал, сэтгэл санааны хохирлыг тооцох юм бол хэдэн их наяд төгрөг ч гарч мэднэ.

Үндэсний статистикийн мэдээллээс үзвэл 2008-2012 онд тавхан жилийн дотор гэмт хэргийн улмаас 226,6 тэрбум төгрөгийн хохирол нийгэмд учирч, 100 мянга шахам иргэн хохирсон байна.  Хувийн болон төрийн өмчид гэмт хэргийн улмаас учирсан энэ хохирлын мөнгөөр 640 хүүхдийн суудалтай 90 сургууль, эсхүл 15 ортой 205 эмнэлэг  барих  боломжтой байжээ.

Улсын хэмжээнд дээрх хугацаанд 102188 гэмт хэрэг бүртгэгдсэнээс хүний амь бие, эрүүл мэндийн эсрэг гэмт хэрэг 33762, тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг 8100, өмчлөх эрхийн эсрэг гэмт хэрэг 45591,  хүүхэд, гэр бүл, ёс суртахууны эсрэг гэмт хэрэг 2000 гаруй гарчээ. Энэ хугацаанд гэмт хэргийн улмаас 5823 хүн амь насаа алдсаны дотор хүнийг санаатай алах гэмт хэргийн улмаас 3327 хүн,  тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэргийн улмаас 1687 хүн хорвоог орхисон байна.

Үүний дээр хөрөнгө, санхүү, цаг хугацааны алдагдал, сэтгэл санааны хохирлыг тооцох юм бол хэдэн их наяд төгрөг ч гарч мэднэ. Та бүхэн орон нутгийнхаа хэмжээнд энэ бүхнийг тооцон гаргаж, дүгнэлт хийж ажиллах хэрэгтэйг орон нутгийн удирдлагуудад  санууллаа.

Уулзалтын төгсгөлд  бидний эрхэлж байгаа ажил, албан тушаалын хувьд дөрөвхөн жилээр хэмжигдэж байна. Үлдсэн богинохон хугацаанд хир өндөр үр дүнд хүрэх нь Та бидний сахилга, хариуцлага, манлайлал хир байгаатай шууд хамааралтай гэж үзэж байна гэлээ.